Sa ika-125 nga anibersaryo sa Philippine Civil Service, gipahigayon sa Probinsyal nga Panggamhanan sa Davao del Norte angEmployees Disaster Prevention Awareness DayugEnvironmental Awareness Dayaron ipakita nga ang mga kawani dili lang lingkod bayani sa serbisyo publiko, kundili frontline pud sa kaluwasan ug kinaiyahan.
Dungan nga gihimo saDavNor Gym, Mankilam, Tagum CitykaniadtongSeptyembre 19, ang selebrasyon sa panguna sa Provincial Human Resource and Management Office duyog angProvincial Disaster Risk Reduction and Management Office (PDRRMO)ugProvincial Environment and Natural Resources Office (PENRO).
“Gwapo kaayo ning event kay gusto nato nga ma-aware ang atong mga empleyado unsa kaimportante ang prevention ug response in case of emergencies, sa workplace ug sa panimalay,” matod niMichelle Claridad, Supervising Administrative Officer sa PHRMO– Human Resource Development Division.
Kabahin sa aktibidad ang pagbansay saBasic Life Support (BLS) - Cardiopulmonary Resuscitation (CPR) ug First-Aidaron kabalo ang mga empleyado moresponde sa kritikal nga sitwasyon. “Kung layo pa ang PDRRMO, ang first five minutes mao na ang pinakakritikal. Mao nga importante nga kabalo ang empleyado sa CPR ug first aid,” pasabot niEric Rosillo, Operations and Warning Division Head sa PDRRMO.
Apil usab sa kalihokan ang, matod pa, ginaatangan sa mga empleyado ngaBasuresiklo program, diin pakambyo ang mga recyclable plastics ug PET bottles og bugas, canned goods, ug noodles. Subay sa datos, kapin 300 kilos ang natigom karong tuiga.
“Nalipay ang mga empleyado kay gikan pa sa Enero nagtigom na mi aron makapakambyo. Sa akong nadawat, 22 kilos tanan gikan sa akong mga plastic bottles nga gi-segregate,” sulti niEdgar Badillo, usa ka mason sa PSYDO nga personal nga nakapahimulos sa programa.
Alang sa mga environmental advocates, dakong tabang kini bisan gamay lang nga bahin sa dako nga problema sa basura. “Dili gyud ni makasulbad sa tanan, pero every small part counts. Dako na kaayo ni siya og epekto sa atong kalikopan,” giingon niPhoebe Kate Panes, project in-charge sa solid waste management sa PENRO.
Gipasabot usab ni Panes nga ang Basuresiklo nga nagsugod sa mga eskuylahan niadtong 2019, anaa na sa ikatulong tuig sa pag-implementar niini sa capitolio, nga ginahimo matag Civil Service Month celebration.
Human sa kalihokan, gipahinumdoman sa organizers nga ang pagkab-ot saresiliencydili lang panahon sa natural hazards apan apil na usab ang mga kalit nga emergency sa opisina ug sa panimalay.
Writer: Jun Rey Villanueva
