Nagpasabot ang PLGU Davao del Norte, ubos sa kamandoan ni Governor Edwin I. Jubahib, sa kamahinungdanon sa pagpatuman sa Enhanced Tax Revenue Assessment and Collection System (ETRACS) ngadto sa walo ka munisipyo pinaagi sa usa ka briefing nga gipahigayon niadtong Oktubre 1 sa Pavilion, DNSTC, Mankilam, Tagum City.

Sumala ni Michael Asuncion gikan sa PADO-IT, ang ETRACS usa ka software system nga gidesinyo ug gihimo sa Rameses Systems Inc. Gipaila kini isip kabahin sa digital transformation sa probinsya aron mapasayon ug ma-modernized ang mga operasyon sa lokal nga panggamhanan. Gipasabot usab niya nga ang pag-update sa sistema ug paggamit sa taas nga storage capacity makatabang sa pagpanalipod batok sa mga virus nga mahimong makadaot sa mga file niini.

“Dapat ang inyohang server is updated. Tapos, ang inyohang server naa siya'y back-up dapat sa inyong mga data which is didto ibutang ang back-up. Tapos, wala pud mo’y anti-virus mao na nga magpa-request mi nga dapat naa gyu’y anti-virus.”

Si Assistant Provincial Administrator for Administration Gale Guadalupe Mortillero, nagkanayon nga tumong sa kalihokan ang pagpalig-on sa seguridad sa sistema sa tax collection, business permit assessment, ug uban pang mga transaksyon.

“This system, or ETRACS, is not just an innovation in technology, it is a tool for transformation. By adopting this system, LGUs are positioning themselves to improve revenue management and fiscal accountability, and to deliver faster, more reliable services to our people... Ang kalampusan sa ETRACS nag-agad dili lang sa sistema apan sa pagdawat og suporta niini isip mga lider nga nag-alagad sa katawhan.”

Ang maong sistema maoy ginagamit sa operasyon tali sa Office of the Governor, mayors, treasury offices, ug assessor’s offices aron mahimong mas episyente ug paspas ang paghatag sa serbisyo.

Samtang, gipirmahan usab sa mga nitambong ang pledge of commitment isip timaan sa ilang suporta aron masiguro nga mapatuman kini sa matag lokalidad.

Writer: Lorna Tripoli