Nasungkit sa Davnor X Hunter Team ang kampeonato sa 1st Regional Kuya Gob Edwin I. Jubahib Wheelchair Basketball League nga gipahigayon sa Municipal Gym sa Braulio E. Dujali niadtong Nobyembre 27 hangtod 29.
Ist Runner-up: Digos City Wheelers
2nd Runner-up: Kuya Davnor Palaro Team
3rd Runner-up: Panabo City Warriors
Sa unang duwa tali sa Davnor X Hunter ug Digos Wheelers, nahimong kulba ug puno sa hinam ang panagsangka. Midomina ang Davnor X Hunter sa unang game, ug sa katapusang duwa ilang gipakita ang lig-on nga panaghiusa ug kahanas. Tungod sa iyang talagsaong pasundayag, giila nga Most Valuable Player (MVP) si Jhunry Tahanlangit sa Davnor X Hunter Team.
Kahibaloan nga kini ang unang higayon sa rehiyon XI nga ang Probinsya sa Davao del Norte ang nidumala sa usa ka liga alang sa mga Persons with Disabilities (PWDs). Gidumala ang kalihukan sa Provincial Sports and Youth Development Office (PSYDO) ug sa Persons with Disabilities Affairs Office (PDAO).
Sa kinatibuk-an, unom ka mga team ang nisalmot sa liga, ug ang mga nidaog nidawat og premyong salapi ug mga tropeyo agi'g pasidungog sa ilang katakos.
