Makigduyog ang prinsipe sa State of Selangor sa nasud Malaysia, nga mao si Most Honorable Tengku Putra, sa selebrasyon sa 59th Araw ng Davao del Norte ugmang adlawa, Hulyo 1, 2026.
Sa imbitasyon ni Governor Edwin “Kuya Gob” Jubahib, niabot ganinang buntag ang prinsipe, nga corporate leader ug miyembro sa Selangor royal family, ang pinakadato nga rehiyon sa silingan nga nasud.
Nahilakip sa Welcome Program sa Kapitolyo alang kaniya ang pagpirma sa Memorandum of Agreement (MOA) alang sa pagtukod sa Integrated Waste-to-Energy Facility sa Lungsod sa Kapalong, nga pagapundohan sa mga Malaysian investors.
Mipirma sa MOA si Kuya Gob ug Mr. SM Anand Subramaniam, ang president sa SMA Ecogreen Corporation, samtang mipirma isip saksi si His Highness Tengku Putra, kauban si Vice Governor Clarice Jubahib.
Nagkanayon ang prinsipe nga ang iyang pagbisita nagsimbolo kini sa lig-on nga panaghigalaay ug kooperasyon tali sa nasud Malaysia ug sa probinsiya.
“This visit reflects Malaysia's commitment to building a stronger and more meaningful partnership with Davao del Norte,” sulti niya.
Ang lider mao ang pinakahalangdong dinapit nga bisita ni Kuya Gob sa iyang State of the Province Address (SOPA), nga mao ang pinakamaayong bahin sa selebrasyon sa kasumaran sa lalawigan ugmang adlawa.
Kumpiyansa ang prinsipe nga mahimong dako ang papel sa Davao del Norte alang sa pagpakusog sa relasyon tali sa mga nasud Malaysia ug Pilipinas.
“The friendship between Malaysia and the Philippines has long been strengthened by our shared history, cultural ties, and close geographical proximity. I am confident that Davao del Norte will play an important role in deepening this relationship through meaningful local cooperation,” ingon niya.
Mapasalamaton si Kuya Gob sa dakong suporta sa prinsipe, labi na sa iyang dala nga proyekto alang sa maluntarong kalamboan sa probinsiya.
“We sincerely appreciate your willingness to collaborate with Davao del Norte in advancing transformative initiatives, foremost among them the establishment of an Integrated Waste-to-Energy Facility. This landmark undertaking represents more than a response to the growing challenges of waste management. It embodies our collective commitment to environmental sustainability, renewable energy, responsible resource utilization, and climate resilience—principles that are essential in building a future-ready province” sulti sa gobernador.
