Nagkompetensya ang mga mag-uuma, mangingisda, ug mga Agricultural Extension Workers (AEW) sa kabug-aton ug kadak-on sa ani sa ilang kaumahan, ug agrisayaw atol sa gipahigayon nga " Farmers, Fisherfolk and AEW Funday" nga gihimo niadtong Hulyo 2 sa DavNor Gym, DNSTC, Mankilam, Tagum City isip kabahin sa pagsaulog sa ika-59 nga anibersaryo sa Davao del Norte.
Gipangunahan ang kalihukan sa Provincial Agriculture Office (PAGRO) pinaagi ni PAGRO Head Engr. Christopher Dalisay uban ni Kaagapay Lead Arnel Montero, representante ni Gobernador Edwin I. Jubahib nga si Provincial Administrator Atty. Ralph Dela Cruz, ug aktibong gisalmotan kini sa mga mag-uuma ug benepisyaryo sa programang Kawsa sa Agrikultura ug Panginabuhian sa Barangay (KAAGAPAY).
Ang mga abot sama sa isdang hito, tilapya, saging, talong, batong, ug kamote gipilian alang sa pinaka dako ug bug-at nga timbang. Ang mga midaog maong mga mosunod;
SAGING CARDAVA
Ist - LGU New Corella
2nd - LGU Panabo City
3rd -LGU Tagum City
CAMOTE
Ist - LGU Talaingod
2nd- LGU Asuncion
3rd - LGU IGACOS
TALONG
Ist - LGU Tagum City
2nd -LGU Santo Tomas
3rd - LGU Talaingod
KALABASA
Ist -LGU IGACOS
2nd - LGU Kapalong
3rd - LGU Talaingod
BATONG NGA PINAKATA-AS
Ist -LGU New Corella
2nd -LGU Asuncion
3rd - LGU Kapalong
PINAKABUG-AT NGA HITO
1st -LGU Panabo City
2nd - LGU Asuncion
3rd - LGU Kapalong
PINAKABUG-AT NGA TILAPIA
Ist- LGU Braulio E. Dujali
2nd- LGU New Corella
3rd - LGU Panabo City
Hataw Agri Sayaw Group Dancing Competition
Ist -LGU IGACOS
2nd - LGU Asuncion
3rd - LGU Kapalong
Samtang, atol sa maong selebrasyon naghatag ang Provincial Agriculture Office (PAGRO) og mga fingerlings ngadto sa mga mag-uuma ug mangingisda aron mapalambo pa ang ilang panginabuhian ug mapadayon ang produksyon sa sektor sa pangisdaan.
Pinaagi niini nga kalihukan, gipadayag sa probinsyal nga panggamhanan ang padayon nga suporta niini sa mga mag-uuma ug mangingisda nga adunay dakong papel sa pagpalambo sa ekonomiya ug seguridad sa pagkaon sa tibuok probinsya.
