Naabot sa Philippine Statistics Authority Regional Statistical Services Office sa Davao City ang libreng Photography ug Videography Training nga dalit sa Probinsiyal nga Panggamhanan sa Davao del Norte, pinangulohan sa pagbansay sa mga media practitioners gikan sa Provincial Information, Communication, and Knowledge Management Office (PICKMO).

Aktibo nga mipartisipar ang mga kawani sa PSA Davao sa mga lecture ug aktibidad nga gipahitabo sa maong training. Sulti ni PSA XI OIC Baby Jean Alid, dakong tabang sa ila ang maong training aron mapasundayag sa publiko ang ilang mga serbisyo.

“Every time we have assessment planning, we do encourage everyone to have a group learning session. This time, we chose photography and video editing because of its big use for our organization, especially now that we are into social media. We need to promote our products and services through digital platforms… We chose PICKMO Davao del Norte because our office in Davao del Norte is already engaging with PICKMO and we had positive reviews. That is why we requested [them] to have this orientation for our staff, especially for our information officers,” sulti ni Alid.

Gipaabot usab sa PSA XI ang ilang paagpasalamat sa Probinsyal nga Panggamhanan sa Davao del Norte sa pagtugot aron mapadayon ang maong training.

Ang maong aktibidad kabahin sa libreng media ug community journalism training nga ginatanyag sa PICKMO sa nagkalainlaing lugar sa probinsiya sa Davao del Norte. Mao kini ang usa sa mga unang higayon nga midalit ang opisina og training gawas sa probinsiya.