Garbo ang gidala ni Mark Hermoso ngadto sa sports community sa Davao del Norte human kini mipartisipar isip bugtong Pinoy nga atleta sa Singapore Pesta Sukan 2026 Beach Volleyball Competition, nga gipahigayon niadtong Hulyo 4 ug Hulyo 11 sa Yio Chu Kang Sport Centre, Singapore.
Ang Pesta Sukan giila isip ang kinadak-ang multi-sport community festival nga gipasiugdahan matag tuig sa Sport Singapore kabahin sa pagsaulog sa GetActive! Singapore National Day. Gilangkoban kini sa nagkalainlaing matang sa mga dula, sama sa mga team sports ug individual events.
Lumulupyo si Hermoso sa Tagum City, ug usa siya sa mga miyembro sa City of Tagum Volleyball Association (CTVA) ug sa Iron Volleyball. 14 ka tuig na siyang nanarbaho isip usa sa mga Overseas Filipino Workers (OFW) sa maong nasud.
Sumala niya, dakong oportunidad para kaniya nga makadula isip ang bugtong Pinoy sa usa ka internasyonal nga kompetisyon sa volleyball. Kini usab ang nagsilbi nga pahulay nila sa ilang mga trabaho.
“For us, especially for Foreign Workers, nag-wowork kami ng 8:30 to 5:30. As much as possible, we train in the evening on weekdays at sa weekends. So ito yung nagiging oportunidad namin para magkaroon kami ng work-life balance. Malaking bagay siya, especially for me, na makapag-represent sa Filipino community dito sa Singapore Pesta Sukan kasi hindi lahat may opportunity. There are a lot of Filipinos who love to play volleyball, kaya lang walang oportunidad or walang avenue to play in a competition,” sulti ni Hermoso.
Gidasig usab niya ang iyang isig mandudulang Dabaonon nga magpadayon sa pagpaningkamot og pagdula og volleyball bisan pa man sa edad o sa kahinguhaan niini.
“To all our aspiring Dabaonon athletes, especially those from DavNor who dream of competing in international events, keep believing in yourselves and never stop loving your sport… Masaya akong nakikita especially sa Pilipinas na kahit sa grassroots, may competitions na tayo para sa mga bata. Nagkakaroon na sila ng oportunidad na ma-inspire at madevelop ang passion nila para sa sports na volleyball. Hindi tayo malilimitahan ng kung anong resources man ang meron tayo, but yung burning desire natin to play volleyball, yun yung magiging sandata natin to explore, inspire, and continue playing,” dugang ni Hermoso.
Naglaom ang atleta nga magsilbing inspirasyon ang iyang kalampusan aron mas matutokan pa ang mga programa nga mu-amuma sa mga batang mandudula ug aron mahatagan sila og kahigayonan nga makaapil sa mga kompetisyon sa lokal ug internasyonal nga lebel.
Writer: Hannah Zafra