Dako ang kalipay sa mga lumulupyo sa Barangay Kinamayan ug mga kasikbit barangay niini sa Santo Tomas sa pag-abot sa Oplan Kaagapay sa Kalinaw ug Kalamboan (KKK), diin ilang nadawat ang nagkadaiyang serbisyo sa probinsyal nga panggamhanan sa Davao del Norte.
Pinaagi niini, dili na kinahanglan nga mobiyahe pa sila ngadto sa Kapitolyo aron lamang makapangita ug serbisyo ug tabang alang sa ilang mga panginahanglan.
Gipasalig sa administrasyong Jubahib-Jubahib nga magpadayon ang pagdala sa mga serbisyo sa gobyerno ngadto sa matag barangay pinaagi sa Oplan KKK, aron mas daghang lumulupyo ang maabot ug walay bisan kinsa nga mabiyaan sa mga programa ug serbisyo sa probinsya.
