Naghugyaw ang liboan ka mga Samalenyos sa pag-abot sa daghang mga serbisyo gikan sa Kapitolyo, sa pagsugod sa tulo ka adlaw nga Oplan KKK (Kaagapay sa Kalinaw ug Kalamboan) sa Island Garden City of Samal karong adlawa.

Gipangulohan ni Vice Governor Clarice "Clang-Clang" Jubahib ang pagtunol sa mga serbisyo nga gipahigayon sa duha ka mga venues, alang sa onse ka mga barangay, kauban ang mga department heads ug mga frontline nga kawani sa Kapitolyo.

Apil sa gipahimuslan sa mga Samalenyos ang medical and dental services, minor surgical operation, oplan tuli, x-ray, eye screening, HIV screening, PhilHealth registration, libreng gupit, bugas, school bags & slippers, PSA birth certificate ug national ID registration, tambag legal ug notarization, corn and vegertable seeds, and fertilizer distribution, veterinary services, livelihood techno demo, job matching services, ug uban pa.

Gipahigayon ang Oplan KKK ganinang buntag sa Babak Gym alang sa mga residente sa mga sa mga barabgay sa Villarica, Miranda, Caliclic, Kinawitnon, Tambo ug Cogon. Samtang ang Oplan KKK karong hapon gipahigayon sa Libuak Gym alang ngadto sa mga residente sa mga barangay sa Tagpoppngan, Camudmud, San Isidro, libuak ug Balet.

"Ang atong probinsiya naningkamot nga moadto sa mga barangay para mahatud ang mga serbisyo nga para sa inyuha para dili na mo mugasto og adto pa sa Tagum... Ang tinuod nga kalambuan dili nang mga building... Ang tinuod nga kalamboan mao ang mabati sa katawhan sa Davao del Norte nga apil mo ug parti mo sa mga programa sa Kapitolyo," sulti ni VG Clarice.

Dungan sab nga gipangunahan sa bise gobernadora ang pagpanghatag sa mga bugas gikan sa programang Bigay Bigas para sa Masa sa Malacanang alang sa katawhan sa lahi nga lima ka barangay.

Mudagan ang Oplan KKK sa Samal gikan Agosto 5 - 7 ug Agosto 13-14, 2026.