Dako kaayo ang tabang sa Oplan KKK (Kaagapay sa Kalinaw ug Kalamboan) sa mga kabus, labina karong panahon sa krisis.

Sa ikaduhang adlaw sa Oplan KKK sa Island Garden City od Samal, gidayeg sa mga residente ang pista sa mga serbisyo gikan Kapitolyo, nga kuno dako og tabang alang sa mga kabus ug labing nanginahanglan.

Sulti ni Danny Borres, usa ka purok leader sa Barangay Santo Nino, nga imposibleng dili malipay ang mga residente, nga karon apektado sa kapit-os sa panahon.

"Ang atong katawhan diri imposible nga dili malipay... Dako jud ang akong pasalamat sa tong Gobernador Edwin Jubahib... ug usab kang Vice Governor Clarice Jubahib... Bilib ko sa mga politiko nga maayo mutan-aw sa mga kabus. Mao ning nabiliban nako sa mga Jubahib," sulti niya.

Kauban ang ubang ahensiya sa gobyerno, gidala sa Kapitolyo ang daghang mga serbisyo sa Samalenyos, sama sa libreng medical ug dental services, minor surgical operation, social, agri ug veterinary ug legal services ug daghan pang uban.

Apil nga nabulahan ang mga residente sa San Antonio, Sto Nino, Toril, San Agustin, Mambago-B, Limao, Catagman, San Miguel, Mambago-A, Penaplata, Tagdaliao.

Si Fel Jane Ellarina, 45, nga lumulopyo sa San Miguel, midayeg sa Kapitolyo nga mihatag ug daghang serbisyo ug ayuda, bisan walay katalagman nga nahitabo.

"Sagad makadawat mi ayuda Kung naay disaster. Pero karon nakadawat mi bisan walay jalamidad nga nahitabo," ingon niya.

Lipay kaayo siya sa iyang nadawat nga libreng bugas, medical chech-up, tambal, eye glasses, mga semilya, ug uban pa.