Mapalit na ang mga hinimo sa Producers Association of Davao del Norte kun PADNOR diha sa mga malls.
Ang PADNOR nga gilangkoban ug sobra 30 ka mga miembro gisuportahan sa probinsyal nga panggamhanan sa Davao del Norte labot sa teknolohiya ilabina sa pagpaila-ila sa ilang mga produkto diha sa mga Trade Expos.
Matod sa kanhi miembro sa PADNOR nga si Maria Cecilia Sarigumba, ang mga produkto sa ilang grupo naglakip sa de-kalidad lamian nga banana ug cassava chips diha sa nindot nga pagka balot, peanut butter, kinugay (raw sugar), therapeutic nga mga produkto sama sa turmeric ug luy-a, bottled bangus, tableya, jam ug ubang produkto gikan sa durian nga prutas, bakeshop products, “puto seco”, fabric products, jewelries, tsinelas gikan sa water lilies, ice cream, pangbalot (wrapper) ug daghan pa nga pang-pasalubong.
“Lahat kami naka-benefit ng mga technical support ng government as well as lahat-lahat ng kailangan namin. . From the packaging like this, marami kaming na-learn. . . dumadagdag ng dumadagdag yung kaalaman namin, . . makikita nyo po ang lahat ng produkto na to sa mga grocery maybe all over Mindanao,” matod ni Sarigumba nga karon nagdumala na ug kaugalingong negosyo tungod sa daghang mga pagbansay nga iyang nadawat gikan sa probinsyal nga panggamhanan sa Davao del Norte.
Sanglit gisuportahan sa gobyerno labot sa gikinahanglang teknikal nga kahibalo, may kanhi sidewalk vendor usab nga karon duna na’y pangalan ang iyang produkto ug miembro na sab sa PADNOR.
“Nagsimula lang to’ siyang nagluto-luto yung parang sidewalk vendor siya. But since nagkaroon tayo ng pagkakataon na binigyan tayo ng gobyerno na makasali eto na siya ngayon. . . . So lahat ng kakailanganin ng turista they can shop here and they can also go to Robinsons or ang Pasalubong Center ng Capitol na kompletong-kompleto,” magarbohong pakita sa miembro sa iyang produkto.
Ang DavNor Pasalubong Center diin naka displey ang mga produkto sa PADNOR anaa na sa City Mall ug Robinson’s Place sa Tagum City ug sulod sab sa Davao del Norte Sports and Tourism Complex duol sa RDR Gym.
Photo: Ang mga produkto nga hinimo sa lokal nga mga tiggama sa Davao del Norte kun PADNOR, mapalit na karon sa City Mall ug Robinsons’ Place sa Tagum City apil na sa DavNor Pasalubong Center sulod sa provincial capitol compound duol sa RDR gym sa Mankilam, Tagum City.
