Aron mapaduol ang serbisyo, naghiusa ang Department of Health (DOH), lokal nga panggamhanan sa Davao del Norte pinaagi sa Provincial Economic Enterprise Development Office (PEEDO), Davao Regional Medical Center (DRMC), Philhealth ug lungsod sa Kapalong alang sa 6-ka adlaw surgical caravan diha sa DavNor Hospital Kapalong Zone Oktubre 9-14, 2017.

Nga may tema “ToDOH alaga, May TSekAP Na, May Operasyon Pa,” ang Last Mile Surgical Caravan gituyo aron maabot kadtong lisod abton nga mga residente sa serbisyo medikal pinaagi ug tsek-ap lakip na ang major, medium ug ginagmay nga operasyon.

“Kanang major mao na ang mga operasyon sa apdo, sa gall bladder nga kinahanglan ug general anesthesia. Ang mga medium operation mao nang nagkinahanglan ug spinal anesthesia, kanang sa likod lang, mga hernia,” matod ni Dr. Bryan Dalid ang Chief of Hospital sa DRMC nga nagbutyag sab nga ang plano gipahimutang na alang sa tinuig, regular nga surgical caravan.

Matod ni Dr. Abdullah B. Dumama, Jr., Assistant Secretary of Health sa Mindanao Cluster ug kasamtangan DOH Regional XI Director, ang tibuok nasod nga programang ‘Last Mile Surgical Caravan’ ilabinang nagtumong sa upat ka marginalized nga mga sectors sa Indigenous Peoples (IPs), street dwellers (urban poor), Geographically-Isolated (GIDA) ug Institutionalized Population nga naglakip sa mga prisohan ug rehabilitation centers nga populasyon.

Gitin-aw sab sa DOH Asec nga bisan kadtong wala ma-enroll sa Philhealth dili angay mabalaka sanglit ang gobyerno na ang maghimo kanila nga miembro sa Philhealth aron sila makabenepisyo sa “No Balance Billing” nga programa.

“Ang No balance billing, yan po ang dapat mangyari lalong lalo na sa ating mga mahirap na kababayan na Philhealth members. Ito po ay obligasyon ng hospital.  ibig sabihin dapat lahat, lahat ng pangangailangan ng ating mga mahihirap na kababayan, marginalized or underserved especially gamot, dapat kompletuhin . . para hindi na sila bumili sa labas,” pasabot ni Dr. Dumama, Jr.

Giangkon sab sa DOH Asec ug RXI Director nga duna gyod mga doctor nga moreseta ug paboritong “brand” bisan kung pwede kini sa barato apan epektibo sab nga tambal.

"Ito ho ay hindi naman haka-haka lang. May ebidensya napag-alaman na may mga paboritong yung mga kasamahan nating mga doctor na mga brands. . . Kasi masisira po yung ating no balance billing. Ang ginagawa ng gobyerno ay gustong-gustong makatulong at makalibre para sa ating mga kababayan ay nasisira. Ang DOH, ang direksyon natin, ay wala ni isang Pilipino na hindi makalasap at makaranas ng sapat, tama at de-kalidad na serbisyong pangkalusugan,” pagklaro ni Asec Dumama.

Gawas sa serbisyo medical, gibutyag ni Dr. Dumama nga ang DOH padayon nga nagbubo ug pondo sa Davao del Norte diha sa Luntiang Paraiso (New Corella), dugang bilding ug mga personahe sa Kapalong Hospital Zone lakip na ang umaabot nga mga proyekto sa pagtukod ug bilding diha sa DAPECOL ug ang Braulio E. Dujali extension hospital.

Gipadayag sab ni Gobernador Anthony del Rosario ang iyang todo- suporta alang sa kahimsog sa panglawas pinaagi ni Asst Provincial Administrator Giovanni Gulanes.

“Importante nga matutokan ang maayong panglawas sa katawhan. The provincial government of Davao del Norte will continue its undying support to the attainment of that goal. . . concerning health and wellness. . .  Our provincial health office and PEEDO will continue to pursue partnership with national and local offices as well as public and private to ensure that no one is left behind in our pursuit for a healthier Dabaonon,” matod sa mensahe ni Gobernador del Rosario.

Gibanabana nga ang surgical caravan sa Kapalong makaserbisyo ug sobra 1,000 ka pasyente nga himoon sab didto sa Samal Hospital Zone sunod semana.


 

More Davnor Updates at

DavNor Karon

 

DavNor News