GITAMBONGAN gayod sa mga department heads sa Davao del Norte probinsyal Kapitolyo ang Coordination Meeting sa Philippine Rural Development Project-Regional Project Coordination Office XI aron masayran ang mga butang nga angay himoon labot sa pag-implementar sa mga proyekto ilawom sa PRDP nga programa Martes, Enero 9-11, 2017.

Gipangunahan ni Provincial Administrator Samson Sanchez ang mga department heads nga seryosong nakatutok aron masayran asa nga bahin sa implementasyon ang kinahanglan pa nga pauswagon aron mahuman ug sayo ang proyekto nga de-kalidad.    

“There are lot of challenges, issues and concerns we have to talk about because ang PRDP is now in the third year of implementation, more or less three more years to complete the project before its closure. . . ang atoang coordination meeting . . mahisgotan ang kinahanglan hisgotan, estoryahan ang kinahanglan estoryahon, tukion ang kinahanglan tukion, more or less very close intimate discussion, sharing of information . . naa ta’y good exchange or interaction relative to lessons learned, good practices, etc,” matod ni Engr. Maria Febe Orbe, RPCO-XI Coordinator sa mga proyekto sa PRDP.

Kasamtangan, ang mga proyekto sa PRDP nga gi-implementar sa administrasyon ni Gobernador Anthony del Rosario nagkantidad ug sobra P703M nga naglakip sa rehabilitasyon sa Capungagan-boundary San Miguel farm-to-market road, Sitio New Visayas-Binancian farm-to-market road, Sto. Niño-Igangon farm-to-market road, Esperanza-Poblacion Sto. Tomas farm-to-market road, Poblacion Limbaan-Suawon-Macgum farm-to-market road, paghimo ug mga Potable Water Supply (PWS) sa Dalisay ug Kasilak sa Panabo City, pagpalambo sa Sto. Tomas Organic Production Center with Common Service Facility ug ang New Corella Nursery With Organic Input Production and Common Service Facility. Ang proposal nga rehabilitasyon sa Sonlon-Camansa nga karsada gisumiter na sab matod ni PA Sanchez nga gihulat ang approval. 

“Naa na ta’y mga emerging benefits or impacts sa atong projects. . of the implementation of PRDP para ma-situate nato ang atong mga kaugalingon . . kung asa na ta. . we’ll be able to know unsa to nga mga things nga kinahanglan pa nato apason. . kinahanglan pa nato ma-catch ups, asa to mga problematic areas, unsaon nato pag-close sa gaps. . unsaon nato pagsulbad. .  diha naga-revolve ang atong discussions. .we have to maximize our time together. . I hope the objectives of this meeting will be achieved,” padayong pasabot sa PRDP RPCO-XI Coordinator alang sa tulo ka adlaw nga aktibidades.

Sa miaging 2016 gitawag ni Engr. Febe Orbe ang DavNor ingong trendsetter sa pag-implementar sa PRDP nga mga proyekto ug dili buot sa kasamtangang mga department heads nga moubos ang kalidad sa serbisyo nga ihatod ngadto sa mga Dabaonon.


 

More Davnor Updates at

DavNor Karon