Nagtagbo ang Davao del Norte Provincial Anti-Drug Abuse Task Forces aron ipasibo ang Aksyon Gabay tungo sa Repormasyon--Information Management System (AGR-iMS) ug mga programa alang sa mga Voluntary Surrenderers for Rehabilitation (VSR) sumala sa Department of Health Administrative Order Numero 2017-0018 kun Guidelines for Community-Based Treatment and Support Services for Persons Who Use Drugs in Primary Health Care Settings.

Ang Admin Order 2017-0018 magsilbing giya sa epektibong implementasyon diin kini nagkutlo sa taho sa United Nations Office for Drugs and Crime labot sa World Drug Report 2016 nga 90-95% sa nahimong biktima sa ilegal nga droga mahimong maulian pinaagi sa community-based treatment.

“First we would like to inform everyone na mag-level up na po tayo. . we require the municipality certain logistics in term of their server. . also we had a requirement from the Data Privacy Act that we had to comply with. . in order. .  yung ating system ma-standardized. . so that we can access the standards offered by the DOH. . The e-gov and the secretariat. . enhance our system,” matod ni Ms. Jucelyn Lumangtad, miembro sa DavNor PADAC secretariat.

Gawas sa pagpahiuyon sa Department of Health Admin Order, ang pagpasibo gikinahanglan sab tungod sa Memorandum niadtong Oktubre 10, 2017 ni Presidente Rodrigo Duterte nga ang Philippine Drugs Enforcement Agency (PDEA) ang bugtong gitahasan alang sa kontra ilegal droga nga kampanya.

Apan bisan kung ang PNP dili na ang pangunang ahensya, ang direktiba ni PRRD naglatid nga mentinahon sa kapolisan ang ilang presensya aron mapugngan ang paghimo ug illegal nga mga kalihokan ilabina labot sa illegal nga droga.

“It is the challenge that we should accept because it is the mandate of RA 9165 that the PDEA will lead the anti-drug . .  When it comes to manpower and resources kung unsay naa namo karon. . . we should maximize it from all angles of anti-drug operations and anti-drug campaigns because the PDEA is also focusing more on advocacies, . . on the reformation of all the VSRs previously handled by the Philippine National Police. . We should double, triple our efforts,” matod ni PDEA Agent Clodito Cañada sa interbyu.

Kauban ang Secretariat, ang DavNor PADAC adunay 13 ka mga Task Forces nga gilangkoban sa Social Development Services, Livelihood & Technical-Vocational, Health, Spiritual-Moral Recovery Program, Rehabilitation Services, Finance (Ways & Means) Sports & Physical Fitness, Disaster Preparedness Training, Security, Education, Legal Concerns, Information Education Campaign ug General Services nga nagtagbo kagahapon, Oktubre 24 aron ipasibo ang sistema sa impormasyon ug epektibong mahatod ang gikinahanglang serbisyo ngadto sa mga VSRs.


 

More Davnor Updates at

DavNor Karon

 

DavNor News