Nagtinabangay ang probinsyal nga panggamhanan sa Davao del Norte, Philippine Information Agency (PIA) ug ang Robinson’s Place Tagum City aron ilusad ang People’s Inforum, usa ka hawanan aron ipaabot sa publiko ang mga panghitabo sa probinsya ug gikan sa mga LGUs kauban ang mga sakop sa media.

Gipangunahan sab ni Gobernador Anthony del Rosario, PIA XI Regional Director Efren Elbanbuena ug Department of Trade and Industry Provincial Director Romeo Castañaga ang pagbukas sa ASEAN Gallery sa mao ra nga mall aron sayon mabatonan ang impormasyon labot sa 10-miembro sa Association of South East Asian Nations ug sa umaabot nga panagtapo niini (integration). 

Ang ASEAN nga natukod niadtong Agosto 8, 1967 gilangkoban sa napulo ka nasod sa Brunei Darussalam, Cambodia, Indonesia, Laos PDR, Malaysia, Myanmar, Singapore, Thailand ug Pilipinas, diin mao karon ang chairman atol sa ika-50 nga kasumaran.

“This is a monthly Inforum. . . importante man gyud ni para makapagawas ta ug information dili lang sa probinsya pati pod ang ubang mga Local Government Units. . Dako gyod ang pasalamat nato sa Robinson’s Place Tagum. . hopefully a more permanent venue for our peoples Inforum in partnership with the Philippine Information Agency,” pahayag ni Gobernador del Rosario atol sa paglusad Oktubre 19.

Sa paglusad sa People’s Inforum ug pagbukas sa ASEAN Gallery, gipaambit ni Gobernador del Rosario ang angay’ng himoon sa mga Dabaonon labot sa atong mga produkto aron makabarog sa kompetisyon.    

“Ang atong ginatan-aw unsaon man nato pag-improve ang atong gina-harvest. .  something that we have to teach our constituents. . . Especially now with the ASEAN integration. You know . . daghang mga advantages but we have to be concerned because pag modako ang market, modaghan ang competition nato. . So it’s very important for us in Davao del Norte na ang atong mga products gwapo kaayo, very competitive para paliton gyod. .  very important that we have to level up,” pasabot sa gobernador.

Gawas sa bag-ong gilusad nga People’s Inforum, sukad pa niadtong Hunyo 2004 nagtinabangay na ang Davao del Norte pinaagi sa Provincial Information Office (PIO) ug ang PIA aron mahatod ngadto sa tanang suok sa probinsya ang mga panghitabo pinaagi sa “Kapihan sa Kapitolyo” nga naggamit sa tanang agianan sa balita lakip ang radio sanglit hugot niining gituohan nga “Ang Kamatuoran Katungod sa Katawhan” nga angay’ng masayran sa matag Dabaonon.


 

More Davnor Updates at

DavNor Karon

 

DavNor News