Pasidungog ug kwarta ang madawat sa maayong pagkadumala nga mga kooperatiba gikan sa Davao del Norte Provincial Cooperative Development Council (PCDC) ingong pag-ila sa ilang dakong kontribusyon ngadto sa katilingban.

Ang paghatag ug pasidungog maoy pag-aghat ilabina sa mga agrikultura nga kooperatiba nga mapataas ang ilang katakos pinaagi sa pag-aplikar ug lain-laing paagi sama sa value chain (paghimo ug laing produkto o serbisyo gikan sa iyang produkto/serbisyo) aron makaabri ug dugang kahigayonan sa panarbaho ilawom sa Enhanced Agri-Aquaculture sa BEST PEOPLE development agenda ni Gobernador Anthony del Rosario.

Kini maoy kabahin sab sa mga aktibidades ingong pag-obserbar sa Cooperative Month sa Oktubre 2017 nga may tema: DavNor Coop: Pagbabago, Pagsulong at Pag-unlad Para sa Lahat.

“Atoang kooperatiba sa tibuok probinsya sa Davao del Norte mikabat na kini ug 407 wherein 254 or 64% ang operasyonal o active and 153 ang gitawag nato nga inactive or non-operational,” matod ni Provincial Cooperative Development Officer Engr. Humber Cabunoc nga nagpasabot nga ang gitawag ug non-operational kay wala mag-sumiter sa gikinahanglang papeles ngadto sa Cooperative Development Agency ug ubang ahensya.

“Ang problema is the document. . Non-operational but it doesn’t mean nga nawala na gyod siya. Because our government especially the province of Davao del Norte very supportive sila. . Ang atoang mga cooperative dako kaayo ang ilang ikatabang in terms of employment, sa economy development, sa amoang developmental process,” matod ni Municipal Cooperative Development Council (MCDC) Chairperson Dr. Edelmira M. Recto.

Giangkon hinuon ni Engr. Cabunoc nga aduna gyod mga kooperatiba nga padulong na sa pagkawala sanglit nagaluya gyod ang ilang palakaw sa negosyo.

Giawhag sab sa PCDC Officer ang mga DavNor kooperatiba nga mosagop sa direksyon sa probinsya ngadto sa panagtapo (integration) aron modako ang ilang membership, resources ug finances tungod sa bukas nga pamatigayon dala sa globalisasyon.

“This coming October 31, 2017 we will be having 2017 DavNor Gawad Parangal. This is to recognize exemplary coops, our outstanding cooperatives in the province of Davao del Norte. . Gihatagan recognition kadto lang sa tulo ka category. . micro-scale, . . coop nga ang iyang asset size P3M below, kadtong small-scale category nga ang iyang asset size is P3.1M to P15M ug ang medium-scale category nga ang iyang asset size is P15.1 to P200M. . Wa na nato giapil ang large size kooperatiba kay sayod man kita nga performing gyod sila. . . with cash and plaque of recognition,” pasabot ni PCDC Officer Cabunoc nga himoon karong adlawa Lunes, Oktubre 31 didto sa Molave Hotel, Tagum City. 

Ang mga DavNor Coops naglakip sa multi-purpose, producers, marketing, credit, ARBs, dairy, ug transport. 


 

More Davnor Updates at

DavNor Karon

 

DavNor News