Pagsagubang sa kalamidad palig-onon pa

BISAN pa sa kaandam sa probinsyal nga kagamhanan sa Davao del Norte sa bisan unsa nga kalamidad, padayon pa niining gipalig-on ang pagsagubang pinaagi sa Provincial Disaster Risk Reduction Management Council Office.

Kauban si Office of Civil Defense Regional Director XI Leoncio Cirunay, kini ang giluwatan nga pamahayag ni PDRRMC Executive Officer Samson Sanchez atol sa Kapihan sa Kapitolyo Huwebes, Enero 12.  

“Ang atong sistema. . ang atong PDRRM functional gyod na siya. . Kanang pagpadala ug pahimangno gina-channel nato na sa mga local counterparts. Na-train ang atoang local counterparts sa munisipyo. Pag magsulti nga duna na’y dapat pre-emptive evacuation tungod kay nakita na sa early warning system, i-relay dayon niya sa mga local area ug ang local area mo-relay pod na sila sa ilahang respective barangays, matod ni PDRRM Executive Officer Sanchez nga nagbutyag nga bisan sa paningkamot sa mga calamity responders gahi ug dili gyod maminaw ang uban hinungdan sa dili maayong resulta.

Aron dugang makasagubang kung moabot ang kalamidad, gipaningkamotan ug gipakusog pa sa administrasyon ni Gobernador Anthony del Rosario pinaagi sa pag-organisar ug tig-napulo ka Alliance of Grassroots Responders gikan sa matag barangay nga giuna pagbansay ang mga bahaonon nga LGUs.

“Usa sa natan-aw nato nga effective kining gipang-organize nato, on-going karon ang atoang training sa Alliance of Grassroots Responders nga created under the Provincial Ordinance. Nagsugod na na siya. In fact niadtong December 21 duna ta’y newly graduates nga 160 sa mga flood-prone areas nga giuna pag-train, tagnapulo matag barangay ug duna ni sila mga communication equipments nga gi-provide sa probinsya. Kung dili sila maabot sa signal sa network, tagaan nato ni sila ug handset. Kung naay network signal, duna ta’y text blast ug sila na ang mag-relay ngadto sa katawhan nga duna na’y pre-emptive evacuation. . Apil na sa ilahang training sa 5 ka modules. Gipaningkamotan gyod tungod kay ang pag-prevent any loss ug lives panahon sa kalamidad kailangan gyod ug effective involvement ang community so gi-strengthened gyod ni Gob Anthony ang Alliance of Grassroots Responders nga gikan gyod sa barangays,” padayong pasabot sa PDRRM Officer.

Makadaghan na nahimong Gawad Kalasag Awardee ang DavNor PDRRM lakip na ang nagsunod nga mga tuig sa 2015, 2016 ug 2017. Apan bisan pa niini gipasiugda ni RXI Office of Civil Defense Direktor Leoncio Cirunay nga gikinahanglan gihapon ang padayong pagpauswag.

“Actually ang DavNor midaug na siya several occasions sa atong Kalasag Awards. But there are other entries na kailangan i-improve katulad sa DRRM plans nga dapat ayusin. . supposedly timely and accurate. . And of course yung functional communication early warning system. Actually dunay mga weather disturbance nga moabot dire nga walay ngalan parehas anang LPA, kanang Inter-Tropical Convergence Zone pero modulot gihapon siya ug baha. . And of course ang ato pod nga infrastructures kailangan naka-design pod siya nga resilient not only sa flood but also sa earthquake,” matod sa hepe sa OCD sa Rehiyon XI.

Gawas sa padayong pagpauswag, gidayeg sa OCD XI Direktor ang plastado na kaayo nga Command Incident System sa DavNor PDRRM.

“Usa pod ka kusog dire nga sistema ang atong gitawag nga Incident Command System nga duna gyud incident management team ang DavNor. Amo pod na-obserbahan tuloy-tuloy pod ang pag-training nila sa DRRM enhancement para sa mga responders,” matod ni OCD Direktor Cirunay nga midugang nga kung mo-submit na pod ug entry ang DavNor, i-comply gayod niini ang mga requirements nga kinahanglan i-improve.


 

More Davnor Updates at

DavNor Karon