DAKO UG KUMPYANSA ang probinsyal direktor sa Department of Trade and Industry (DTI) ug Assistant District Engineer sa Department of Public Works and Highways (DPWH) labot sa katakos sa Davao del Norte nga motaas pa ang iyang pagkahimong “competitive” o produktibong probinsya.
Sa Kapihan sa Kapitolyo nga gipahinabo Huwebes, Enero 26, kumpyansang gipahayag ni DTI Provincial Director Romeo Castañaga ug Engr. Daniel A. Jaravata ang mga rason ngano nga ang ika-7 sa 2017 competitive ranking nga Davao del Norte sa katibuk-ang 81 ka mga probinsya mopaitaas pa tungod sab sa maayong gipakita sa mga syudad ug lungsod nga sakop niini.
“Malakas na malakas ang DavNor. Ang most competitive province sa Region is DavNor; ika-7 kita sa tibuok Pilipinas. Unya ang ato pong Local Government Units nga sakop sa Davao del Norte naa pod CMCI, Cities and Municipalities Competitiveness Index, naa pod na sila’y ranking. Ang Tagum City dinhi sa region is the most competitive component city category and nationwide third most competitive city, third overall, 2nd in terms of infrastructure pillars nationwide, unya 4th in terms of resiliency pillar,” matod ni DTI probinsyal director Romeo Castañaga nga naghisgot sab sa Panabo ingong fifth most improved city sa tibuok Pilipinas gikan rank 68 sa 2016 miambak ug rank 36 pagka 2017.
Gihisgotan sab sa DTI director ang kalamposan sa mga munisipyo.
“In terms of municipalities, ang Braulio Dujali number 7 in terms of government efficiency pillar sa 3rd to 6th class municipality level ug ang Kapalong 15th in the resiliency pillar sa 1st class to 2nd class municipality nationwide. Unya daghan pang uban misulod sa region: ang New Corella, Kapalong, Carmen, moingon ko nga kung unsa ka competitive ang DavNor, grabe!” padayong pahayag ni Castañaga.
Si Davao del Norte Engineering District Asst. District Engineer Daniel Jarivata masaligon kaayo nga motaas pa ang competitiveness ranking tungod sa dagkong mga proyekto nga gibubo sa rehiyon ug sa probinsya.
“Kung competitiveness ang pag-uusapan, mas malaki talaga ang release dito sa Davao del Norte. . with regards to money involved sa project natin lalo na ngayon sa 2018. . Lahat ng kategoriya nga imprastruktura dito sa Davao del Norte nandito na lahat: roads, bridges, widening, upgrading, flood controls, school buildings. Sa Davao del Norte lang may mga million projects tayo dito with regards to infra. Mayron tayong flyover na gagawin dito sa Panabo, sa Tagum City. . mga flood control projects natin. . Ang release namin sa 2018 alone, sa Davao del Norte is 10.3 billion which includes project to be implemented by the regional office. Kung sa district lang namin ang pag-uusapan, it’s about 2.9 billion sa calendar year 2018,” pagbutyag ni ADE Engr. Daniel Jarevata nga aired live sa PTV Channel 48.
Base sa World Economic Forum (WEF), ang pagsukod sa katibuk-ang ekonomikanhong pagka-produktibo (overall competitiveness) gipasikad sa upat ka haligi nga Economic Dynamism, Government Efficiency, Infrastructure ug Resiliency.
