HUGOT nga suporta ang itunol sa probinsyal nga panggamhanan sa Davao del Norte labot sa planong pang-kalamboan alang sa Rehiyon XI nga gipangunahan sa Davao Regional Development Council XI.

Sa pinaka-una nga DRDP Roadshow (North Cluster) nga gilangkoban sa Davao del Norte, Compostela Valley Province ug Davao Oriental nga gipahigayon didto sa ComVal Kapitolyo Enero 26, gipahayag ni Davao del Norte Gobernador Anthony del Rosario ang hugtanong suporta sa iyang administrasyon.  

“Along with the provinces of Compostela Valley and Davao Oriental which make up the North Cluster, the province of Davao del Norte fully supports the roadmap that will guide the Davao Region’s growth within the next six years. We welcome the optimistic promise that the DRDP brings particularly Maginhawa, Matatag at Panatag na Buhay for every Dabawenyo in the near future,” pahayag ni Gob Anthony nga mao sab ang RDC XI chairperson.

Sulod sa termino ni Presidente Rodrigo Duterte, daghan dagkong mga proyekto ang nakalinya nga himoon lakip na ang Mindanao Railway nga magpadali sa paghatod ilabina sa mga produkto sa kaumahan. Ang unang hugna niini maglangkit sa Tagum City-Davao City-Digos nga proyekto nga sugdan sa dili pa matapos ang 2018 samtang ang ikaduhang hugna magsugod gikan sa Nabunturan, ComVal hangtod Butuan City.

Gipahayag ni RDC XI chairperson del Rosario nga dako ug importante kaayo ang papel sa RDC bisan pa man sa planong pag-usab sa Konstitusyon ug porma sa kagamhanan ngadto sa Pederalismo ingong pagpasibaw sa resulta sa miting sa mga gobernador.  

“One of the proposal is to strengthen the RDC as the regional coordinating body for all the provinces in the region. . Definitely, the RDC is going to be playing a very, very vital role when Federalism happens. . napakaimportante talaga ng role ng Regional Development Council when it comes to planning for the different regions around the country.

Ang RDC XI gilangkoban sa 5 ka probinsya ug mga syudad nga gibahin ngadto sa North ug South clusters. Ang sunod nga roadshow himoon sa Davao City alang sa Davao del Sur, Davao Occidental ug mga syudad sa Davao ug Digos sa South cluster.

Kabahin sa roadshow ang pagdispley sa mga probinsya sa ilang mga produkto, mga best practices, nindot nga mga tourist spots ug mga festivals pinaagi sa mga brochures.