3 ka NPA nisurender, cash assistance, pagkaon ug pabalay gihatag ni Kuya Gov
- Details
- Published: Tuesday, 09 January 2024 09:00
- Written by DavNor PICKMO (Nestor H. Mata, Jr.)
- Views: 246
Tulo ka mga kanhing rebeldeng NPA nga mibalik sa sabakan sa panggamhanan ang gitunolan og ayuda ni Governor Edwin “Kuya Gov” Jubahib, sa Tahanan ng Gobernador, Mankilam, Tagum City, niadtong Disyembre 27, 2023.
Sumala ni Kuya Gov nga gidawat niya ang maong mga rebelde nga ginganla’g si Alyas Ka “Simon”, Alyas Ka “Arman”, ug Alyas “Ka Rica”, nga anaa sa kustodiya sa 56thInfantry Batallion ubos sa pagdumala ni LTC. Emmanuel Garcia. Nitunol sab siya’g cash assistance ug mga batakang panginahanglanon sa mga misurender.
“Gidawat nato sila kay karon nga panahon naka-decide sila nga mobiya na sa grupo sa CPP-NPA ug gusto na nila nga manginabuhi og normal, balik diha sa ilahang komunidad. Sa ilang pagsurender karon, personal nga mitunol ta’g cash assistance P20,000 sa magpamilya ug katong isa ka individual P15,000. Then, adunay mga sinakong bugas ug mga dilata nga atong gihatag kanila. Then, mihangyo ‘tong mag-asawa nga lisud ‘tong ilang gipuy-an, so, atong kaistorya karon ang komander sa 56thInfantry Batallion si LTC. Garcia nga ato silang tabangan. Mopalit ta’g materyales gikan sa pondo sa provincial government. Then, ang atong kasundalohan ang motabang pag-contruct niini para nga aduna sila’y disenteng kapuy-an pagbalik nila sa ilahang barangay,” pagsaysay ni Kuya Gov.
Gikanayon sa gobernador nga andam siya modawat sa mga rebeldeng NPA nga gusto nang magbag-o sa ilang kinabuhi bisan pa man og anaa sila naglihok gawas sa probinsya sa Davao del Norte. Kini isip tabang sa nasud aron sa pagkab-ot sa tinuoray nga kahapsay ug kalinaw.
“So, bisan pa man wala na sila naglihok diri sa atong probinsya kay na-cleared na man ning Davao del Norte ug ang entire Region XI against CPP-NPA o insurgency, pero ang magsurender nga gikan sa laing probinsya nga adunay pagsalig nga safety sila o secure sa ilang pagsurender, so, atong gina-cater para makatabang ‘ta sa problema sa atong mga kasundalohan ug atong kapulisan ilabi na sa problema sa atong nasud laban sa insurgency,” dugang sa gobernador.
Sa pamahayag ni LTC. Garcia niadtong December 24 niaging tuig, miabot sa ilang kampo ang mga nasangpit nga rebeldeng NPA ug nagpadayag sa ilang intensyon nga mobalik na sa sabakan sa gobyerno. Dugang ni Garcia nga padayon pa ang imbestigasyon alang sa pagtino sa mga salaod nga nalapas sa mga nahisgutan kung aduna man.
“Tayo’y nagpapasalamat dahil tinutulongan ni Governor Jubahib ‘yong mga nagsusurender at saka itong mga nagbibigay ng mga information para makuha, marekober yong mga itinagong armas nitong mga komunistang grupo na NPA terrorist. Sana ay marami pa ang magbigay ng information and mag-surrender pa para sa ganon, they could live with their family in a peaceful and productive way,” ngon ni LtC. Garcia.
Sugod paglingkod ni Governor Jubahib isip gobernador sa probinsya niadtong tuig 2019 hangtud karon, mokabat na sa dul-an 5,000 ka mga rebeldeng NPA ang misurender ug natabangan sa gobernador.
Writer/Phots: Nestor Mata, Jr.
