2023 Pamaskong handog ni Kuya Gov, nagpungasi
- Details
- Published: Tuesday, 09 January 2024 08:30
- Written by DavNor PICKMO (Maria Lorna P. Tripoli)
- Views: 283
Nagpungasi ang "Pamaskong Handog ni Kuya Gov" sa tanang mga kabarangayan sa Probinsya sa Davao del Norte. Bugas alang sa mga opisyal ug functionaries, incentives nga P4,000 alang sa mga accredited Barangay Health Workers ug vital signs kit, P2,000 sa BPATS, P10,000 alang sa mga Child Development Teachers. Ang mga nagadawat og honorarium nga nakatrabaho sugod Enero hangtod Oktubre 2023 maoy basehan nga sila modawat sa insentibo. Samtang, mga bugas nga tag-usa ka sako sa kapitan, 15 kilos sa mga kagawad, ug 10 kilos sa mga functionaries.
Gipasalamatan kini sa mga opisyal labi na sa mga Barangay Health Workers.
"Kini dako kaayong tabang sa amoang lumilihok sa barangay labi na gyud nga kami nagserbisyo sa barangay. Usa kini nga makapadasig nga magpadayon ang serbisyo sa atoang barangay labi na gyud sa tanan-tanan natong mga barangay functionaries,"sulti ni Brgy. Sto. Niño Captain Felipe Fernandez Jr.
"Ako, dako ko og pasalamat sa among Kuya Gov sa iyang mga gipanghatag karon nga mga BP apparatus ug uban pa nga iyang gipanghatag kanamo karon, labi na ang kalipayon karong buntaga nga nadawat namong cash sa mga BHW accredited. Daghang salamat Gov ug maayong pasko, ug happy new year," pagpasibaw sa usa ka BHW nga si Rosalina Jabinez.
Samtang, si Provincial Administrator Engr. Josie Jean Rabanoz maoy representante ni Governor Edwin "Kuya Gov" Jubahib sa pagdistributar sa bugas. Kuyog niya sila PSWDO Assistant Head Jeffrey Calamongay, PTO Department Head Evelyn Espra, ang representante ni Board Member Prospero "Popo" Estabillo Jr., mga personahe sa PHO, ang representante ni New Corella Mayor Jorjan Federiso, ug si Vice Mayor Pedro "Jun" Lagumbay.
Mokabat sa 20 ka mga barangay sa New Corella ang natunolan sa unang adlaw sa pagdistributar sa pamaskong handog sa gobernador sa upat ka mga venues sa panagtapok sama sa Barangay El Salvador, Sto. Niño, New Cortez, ug Del Pilar, Disyembre 21, 2023.
Writer/Photos: Maria Lorna P. Tripoli
