News

News

“Responsibilidad” gipasiugda ngadto sa bag-ong empleyado

DILI lang pribelihiyo nga nakatrabaho sa gobyerno, hinuon ang responsabilidad nga nahimong trabahante ang hatagan ug dakong pagtagad sa usa ka empleyado.

Kini nga “obligasyon” ang gipasiugda ni Davao del Norte Provincial Administrator Samson Sanchez sa pagsugod sa 2-ka adlaw nga Induction ug Orientation sa mga bag-ong empleyado sa DavNor Kapitolyo, Hulyo 12-13, 2018.

“Among the millions of Filipinos seeking job, you are among the privilege few. Since it’s a privilege on your part, unsa ma’y kailangan? Being in the government is not a right, it is just a privilege given to us by the constitution of our country, by the government, given to us sa katawhang Filipino nga moalagad sa ilaha. Because of that privilege, kinahanglan nato alagaan pinaagi sa pag-observed sa corresponding  responsibility attached to the positions. Responsibilidad nato nga we must be a good public servant,” pagpasiugda sa DavNor administrador ngadto sa 64 ka bag-ong na-hire nga mga empleyado.

Sa kataposang “E” (Employment & Livelihood Opportunities) sa BEST PEOPLE development agenda ni Gobernador Anthony del Rosario nga gi-implementar sa Abilidad at MAlasakit (AMA) nga pamaagi, katuyoan niini nga masangkapan sa katakos ug kahibalo ang mga empleyado pinaagi sa mga trainings aron maihatod ang hustong serbisyo ngadto sa publiko. 

“This is always what Governor Anthony emphasized: nga dili nato tan-awon ang pribelihiyo nga naa sa atoang pagka public servant. We will also look at the other side which is most important. Kay kadtong responsibility mao man to ang side sa mga tao nga atong alagaran. Ang pribelihiyo mao man to ang side sa atoa as public servant. The moment I am saying this in front of you is also a reminder on my part being the provincial administrator of the province,” padayong pasiugda ni PA Sanchez.

Ang Employees Compensation and Claims, Leave Administration and Employees Benefits, Code of Conduct & Ethical Standards for Public Officials and Employees (RA 6713), Anti-Red Tape Act (RA 9485), PRIME-HRM and Policy on Dress Code, Life Work Balance and Tips for Healthy Lifestyle apil ang Financial Literacy maoy pipila lamang sa hinungdanong mga topiko nga hisgotan sulod sa duha ka adlaw.

“Unsa man daw ang government service? It’s not our right to be here, it’s a privilege,” balik pasiugda ni Ms. Monica Salido, department head sa Provincial Human Resource Management Office (PHRMO).

Apil sab nga itudlo sa mga bag-ong empleyado ang topiko sa Gender and Development, Disaster Risk Reduction & Management ug ang Strategic Performance Management System alang sa kalamboan sa pagpanarbaho.


 

More Davnor Updates at

DavNor Karon

 

DavNor News