News

Poultry Production gipaambit sa People’s Organization

Sa tumong nga palapdan ang kahibalo sa mga miyembro sa Peoples Organization (PO) sa DavNor KAAGAPAY, lima (5) ka mga POs gikan sa Tagum City ang gibansay sa aspetong teknikal kabahin sa Poultry Production sa PDRRMO Conference Room, Capitol Compound, Mankilam, Tagum City, Septyembre 5, 2023.

Gipaambit ni Dennis F. Gallaza, Jr., Agriculturist ll, nga nadestino sa Provincial Veterinary Office, ang tamang pamaagi sa pagmamuhi sa free-range chicken. Gipaila niya ang nagkadaiyang klase sa manok nga gigamit sa free-range sama sa Rhode Island Red, Black Australorp, Barred Plymouth Rock, Hubbard, Jersey Giant, Light Sussex ug Shamo. Gipasabot sab niya ang kaimportante sa maayong pagdumala sa manokan, hustong patubig, insaktong suplay sa kuryente, maagian nga kalsada, dili saba nga lugar ug dili sab bahaonon. Dugang niya nga importante sab ang pag-implementar sa biosecurity sama sa foot bath, wheel bath ug bird proofing aron makalikay ang mga binuhing manok sa pagsulod sa nagkadaiyang klase sa mikrobyo.

Mihatag sa iyang sulondong binuhatan sa poultry farm si Retired Gen. Reuben S. Basiao, PA, sama sa tamang pakaon sa mga manok, alternatibong pakaon ug pagdetermina sa saktong pakaon hangtud nga mabaligya na kini ug unsaon nga dili malugi ang mga POs.

Gipasalamatan ni KAAGAPAY Focal Person Alphabet Gulanes, ang PAGRO OIC-Asst. PG-Head,  si Governor Edwin “Kuya Gov” Jubahib gumikan sa padayong pagpakusog sa programang DavNor KAAGAPAY, nga nakatabang na sa bagang duot sa katawhan. Gipasalamatan sab niya ang mga POs gumikan sa ilang suporta ug kakugi nga mapalambo ang ilang kahibalo ug ang ilang pagdumala sa manokan.

Human sa maong kalihokan, gihatagan og binotilyang Oriental Herbal Nutrient (OHN) ug Fermented Fruit Juice (FFJ) ang mga miyembro sa POs aron magamit isip organikong tambal ug bitamina alang sa ilang mga binuhing manok.

Writer: Nestor Mata, Jr.

 

 

 

DavNor News