News

Economic Enterprise sa Brgy. Magugpo South abri na

Opisyal ngagibrihan sa Barangay Magugpo South ang ilang bagong Economic Enterprise  building adtong miaging Lunes, March 6, 2017. 

Ang maong proyekto gikan sa stimulus fund sa probinsya, diin makadawat and tanang mga barangay ug tig P500,000 alang sa mga proyekto nga magtubag sa mga panginahanglanon sa katawhan.

“Ang mga opisyales sa barangay, pinaagi sa barangay development council ang magtudlo, kung unsa ang proyekto ang buhaton gikan dira sa 500 thousand, Usa sa mga beneficiary ang Magugpo South ug ang ilang gihimo na proyekto mao ning Economic Enterprise Building para makadawat ug dungag na income ang ilang barangay. ” sulti ni Gobernador Antonio del Rosario.

Dungag pa sa gobernador, nga ang maong proyekto haom sa menu sa mga proyekto  ngaginatutokan sa probinsya kay gusto pakusgan sa iyang administrasyon ang supporta alang sa mga  gagmay nga negosyo ug mga produkto sa DavNor.

“Mao ni ang naplano-han kay ang Magugpo South is one of the barangays  na walay (Internal Revenue Allot ) IRA, so nagsigi mi ug paningkamot kung unsa ang pinaka maayong buhaton namo  para madungagan ang atong  income sa barangay, para ma improve nato ang atong serbisyo kung madungagan ang atong income”, gipasabot ni kanhi Brgy Chairman, Dimitri Sator.

Sa pagkakaron duna nay duha nga nangarkila sa upat ka mga stall sa maong bilding.

“Actually nakareserve na gyud ni siya sa dating nagabaligya lang dira sa daplin kalsada, unya nahimo gyud ni siyang luna para sa ila para naa silay kaugalingong stall.” Pahibalo ni Brgy. Chair.  Lucky Valera.

Gipasalig ni Gob. del Rosario nga iyang ipadayon ang Stimulus Fund tungod kay iyang nakita nga dako ang tabang niini sa mga nagkadaiyang mga barangay.

 

Photo: Gipangunahan ni Gobernador Anthony del Rosario kauban si kanhi Brgy Magugpo South Brgy. Kaptain Dimitri Sator, on going Brgy Chair. Lucky Valera ug mga opisyal sa barangay ang ilang Economic Enterprise Building.


 

More Davnor Updates at

DavNor Karon

 

DavNor News