Gipahigayon ang tulo ka adlaw nga Pag-asa Youth Association of the Philippines (PYAP) Youth Leader Summit sa DavNor Sports and Tourism Complex, Mankilam, Tagum City niadtong Hulyo 25-27, 2024, alang sa ika-50 nga anibersaryo sa asosasyon. Ang summit giapilan sa mga youth leaders gikan sa onse ka lokalidad sa probinsya ubos sa tema nga "Golden Milestone: Fostering Generational Youth-Led Initiatives for Inclusivity and Social Change".
Si Governor Edwin "Kuya Gov" Jubahib, pinaagi sa iyang representante nga si Jemuel Melmida, naghatag og mensahe nga nagdasig sa PYAP leaders nga padayon nga magmugna og kausaban ug inspirasyon alang sa sektor sa mga kabatan-onan.
"During this summit I encourage you to engage open and meaningful dialogues to ask bold questions and to seek out answers that would drive positive change. Let this be a time of learning and growth, where you can expand your horizons and build lasting connections with fellow youth leaders," ingon ni Melmida.
Nitambong sa summit sila PSWDO Head Rosalinda Rapista ug PSYDO Head Giovanni Gulanes, diin gitigayon ang lain-laing mga kalihokan sama sa cheers and yells presentation, ang youth caravan, ug ang pagpili sa Mr. and Ms. PYAP Davao del Norte. Ang youth caravan gilangkoban sa drug symposium, mental health, teenage pregnancy, environmental care, ug basic life support.
Writer: Lorna Tripoli
