Gipasidunggan ni Office of the Presidential Adviser on Peace, Reconciliation, and Unity (OPAPRU) Secretary Carlito Galvez, Jr. si Governor Edwin “Kuya Gov” Jubahib ug ang katawhang Dabaonon sa ilang dakong kalampusan sa pagtapos sa insurhensiya sa probinsiya.
“The provincial leadership and the people themselves realized that they have the power in their hands… to put an end to the cycle of violence. Nakita natin na yung mga probinsiyano ng Davao del Norte at mga local officials hindi po nag-surrender, hindi po nagbigay ng puwang mapatalsik lang natin ang ating kalaban na CPP-NPA,” sulti ni Galvez, atol sa selebrasyon sa 3rd Anniversary as Insurgency-Free Province, nga gipahigayon gahapon sa DavNor Gym.
Gideklara nga gawas na sa insurhensiya ang probinsiya sa tuig 2022 human mabungkag ang tanang mga guerilla fronts sa New People’s Army (NPA).
Gidayeg ni Galvez ang kalampusan sa localized peace engagement ni Kuya Gov, kuyog ang gipakusog nga mga operasyon sa military, kapulisan, ug ubang security forces, ug ang kolaborasyon sa mga ahensiya sa gobyerno, mga local government units, mga private sector ug tanang hut-ong sa katawhan.
Mihisgot sab siya sa mga paningkamot ni Kuya Gov sa paghatud sa nag-unang mga serbisyo sa katawhan sa mga geographically-isolated and disadvantaged areas (GIDAS) aron sa pagsulbad sa ugat-hinungdan sa insurhensiya.
“Nakita natin si Papa Gov (Kuya Gov) Class-A na governor ito. Talagang umaakyat sa bundok. Talagang tinitingnan niya yung sitwasyon at tsaka alam niya yung gagawin niya… Makamasa, maka-Diyos at makabayan,” sulti OPAPRU Secretary.
Ingon ni Kuya Gov nga kini nga kalampusan sa Davao del Norte nagasimbolo sa paglaum, kalamboan, ug hayag nga kaugmaon sa walay kinutuban nga mga posibilidad.
“Our triumph means more than just putting an end to the local armed conflict. It is a symbol of hope, progress, and a future of boundless possibilities,” pahayag sa gobernador.
Sulti sab ni Mindanao Development Authority (MinDA) Chairman Leo Tereso Magno nga tungod sa kadaugan sa probinsiya nahimo kining sumbanan alang sa ubang mga probinsiya sa Mindanao ug sa tibuok nasud Pilipinas.
“Davao del Norte, on its third year anniversary (as insurgency-free), has set a very remarkable benchmark for peace and development that other provinces in Mindanao can surely emulate. Hindi lang ho sa Mindanao, dapat gayahin si Governor Jubahib at ang Davao del Norte sa buong Pilipinas,” ingon niya.
Nitambong sab sa selebrasyon sila OPAPRU Eastern Mindanao Director Atty. Elisa Evangelista-Lapiña, Vice Gov. Clarice Jubahib, mga board members, LGU ug barangay officials, ug mga opisyales sa kasundaluhan ug kapulisan.
Writer: Noel Baguo
