Pormal nang giablihan ug gibendisyonan ang bag-ongDavNor Pasalubong Shopniadtong Marso 17, 2025, sulod sa DavNor Sports and Tourism Complex. Ang maong tindahan nagpakita sa nagkadaiyang lokal nga produkto sa probinsya, nga gilauman nga makapalig-on sa turismo ug ekonomiya sa lugar.

Sa seremonya, gipasiugda ni Governor Edwin I. Jubahib ang kamahinungdanon sa kalinaw ug seguridad sa pagpalambo sa negosyo. Matud niya, tungod sa pagka-insurgency-freesa Davao del Norte, nidagsang ang mga lokal nga mag-uuma ug negosyante nga nagpalambo sa ilang produkto, sama satabliya,banana chips, handy crafts, ug uban pang processed foods.

Sa iyang mensahe, gipadayag ni Gov. Jubahib ang plano nga palapdan pa ang pasalubong shop aron matag lokalidad makapahimutang sa ilang produkto. Dugang pa, magkuha ang probinsya og mga teknikal nga trabahante aron makatabang sa mga mag-uuma sa pagpalambo sa ilang produkto, ilabi na sa industriya sacacao,kape, ugsaging.

"Gitan-aw nato karon ang different varieties of coffee kung asa ang suitable nato itanom. Napamatud-an nato nga ang cacao angay kaayo sa San Isidro. Mao nga mag-hire ta og dugang technical person aron mo-assist sa atong mga farmers," matud sa gobernador.

Gitambongan ang seremonya sa mga opisyales sa DavNor Producer’s Association, local chamber of commerce, ug uban pang mga stakeholders nga nagpakabana sa pagpalambo sa lokal nga produkto. Gipasalamatan usab ni Gov Jubahib ang suporta sa mga negosyante ug prodyuser, nga nakapadasig sa probinsya nga ipailawom sa mas dagkong kausaban ang tindahan.

"Sauna gamay pa ang atoang building, karon gihimo nato nga mas presentable ug mas angayan ang atong DavNor Pasalubong Shop," dugang niya.

Ang tindahan abli alang sa tanan ug nagbaligya og mga de-kalidad nga produkto sa makatarunganong presyo. Pinaagi sa maong inisyatibo, gilauman nga mas mapalambo pa ang mga patigayon sa mga mag-uuma ug negosyante sa Davao del Norte.

Writer: Lorna Tripoli