Sa pagsaulog sa Human Rights Day, gipahigayon ang VAW Survivor Summit 2024 sa Department of Social Welfare and Development (DSWD) Region XI ug sa Probinsyal nga Panggamhanan sa Davao del Norte, ubos sa pagdumala ni Governor Edwin "Kuya Gov" Jubahib, alang sa ikaduhang hugna sa 18-Day Campaign to End Violence Against Women sa VIP Clubhouse, Mankilam, Tagum City, Disyembre 10.
Mokabat 30 ka mga survivor sa violence against women nga gikan sa nagkadaiyang probinsya ang mipaambit sa ilang kasinatian aron matabangan sila nga makab-ot ang kalig-on ug magpadayon sa proseso sa healing.
Ang aktibidad nagtumong sa pag-ila sa mga hinungdan sa abuso ug sa mga interbensyon sa gobyerno aron masiguro ang proteksyon sa mga kababainhan.
Gipahayag ni Sherlyn Concubierta, ang Social Welfare Officer III sa DSWD Protective Services Division, nga tumong sa aktibidad alang sa mga VAW Survivors nga makakuha’g suporta sa usa’g usa. Nagsugod ang kampanya niadtong Nobyembre 25 hangtod Disyembre 12.
Ang culmination program pagahimoon sa Davao City, dungan sa International Day Against Trafficking. Gipasabot sa maong social welfare officer nga padayon ang ilang adbokasya nga pakigbatokan ang pagpangabuso sa mga kababainhan.
Ang VAW Survivor Summit gitambongan nila Davao de Oro Provincial Police Office Women Desk Officer, PCPT. Jeanette Pagulong, DSWD Protective Services Division Social Welfare Officer III, Sherlyn Concubierta, ug PSWDO- Asst. PG Head Lanie Guinit, ug uban pa.
Writer: Lorna Tripoli
