Niarangkada ang Football Starts at Home (FSAH) seminar nga gipasiugdahan sa taga-DavNor Regional Football Association (RFA) ug kini gitambongan sa mga ginikanan, guardians, coaches, ug football enthusiasts nga gipahigayon sa DavNor Sports and Tourism Complex, Mankilam, Tagum City, niadtong Oktubre 8, 2024.
Ang Amerikanong si Coach Tom Byer, founder sa FSAH, maoy mamumulong kauban si Philippine Football Federation (PFF) President John Anthony Gutierez. Nagtinguha sila nga magustohan sa mga Pilipino ang dulang football, ug nga sa linghod nga pangidaron, itudlo na kini sa mga ginikanan sa ilang mga anak.
"Hopefully, football starts at home.It can start early as the child starts to walk. Parents play a vital, crucial role in facilitating and really want to try to develop children into players who fall in love with the ball first, and then perhaps fall in love with playing football," sulti ni Coach Byer.
Sulti ni Coach Byer, ang dulang footbal makapauswag sa mental, physical, ug sa kinatibuk-ang aspeto sa usa ka bata. Ang iyang pagkahilig sa dulang football sukad dos anyos pa ang iyang pangidaron, nagdasig kaniya nga mahimong football player sa mga nasudnong kompetisyon pagdako niya.
"To develop better players at the national team levels, it is always important not only to grow the game, but also to grow the game of football in the Philippines. So it starts at home, like everything else," dugang ni Coach Byer.
Girekomenda ni PFF President John Anthony Gutierez, nga ang mga ginikanan gyud maoy epektibong coach alang sa football journey sa ilang mga anak.
"To make sure that the kids alam nila 'yong fundamentals ng football. Hindi 'yong sipa ng sipa ng bola. Hindi kickball 'to eh football. So, 'yong ball mastery, it should be at the heart of every footballer. Ang turo nito, naniniwala kami na ang makapagturo nito ay ang mga magulang," matud ni Gutierez.
Ang nasangpit nga FSAH Seminar naghatag og giya sa mga ginikanan sa saktong pagdula sa bola. Gipakusgan usab sa PFF ang FSAH program sa nagkadaiyang dapit sa Pilipinas lakip na niini ang Davao del Norte. Kahibaloan, nga suportado ni Provincial Governor Edwin I. Jubahib ang mga pagpaugnat sa kusog sa probinsya.
Samtang, ang DavNor RFA, uban sa PFF, nagtunol og plaque of recognition sa Panabo United Football Club ug nag-apod-apod og libreng mga bola sa mga kabataan.
Writer: Lorna Tripoli
