Upat ka clusters gikan sa 11 ka lokalidad ang nagsangka alang sa basketball ug volleyball sa men's ug women's divisions atol sa 2024 Provincial Youth Congress: Ballgames nga gipahigayon sa DavNor Sports and Tourism Complex, Tagum City, Nobyembre 16. Sa panguna sa Provincial Sports and Youth Development Office (PSYDO) kauban ang opisina ni Board Member ug Provincial SK Federation President Helen Mae Discaya, ang kalihokan nagtinguha nga palig-onon ang liderato ug panaghiusa sa kabatan-onan pinaagi sa sports, nga hugtanong gisuportahan sa administrasyon ni Governor Edwin I. Jubahib.
Sa basketball, nasakmit sa Cluster 1 ang kampeonato, samtang sa volleyball women’s ug men’s divisions, gipangunahan sa Cluster 4 ug Cluster 1 ang kadaugan. Nipakita sab og suporta si IGACOS SK Federation President Mariel Daniela Genaro pinaagi sa pag-uban sa delegasyon sa mga Samaleño players.
Sa dulang basketball ang mga midaog:
Champion – Cluster 1
1st– Cluster 4
2nd– Cluster 3
3rd– Cluster 2
Volleyball Women:
Champion – Cluster 4
1st – Cluster 2
Volleyball Men:
Champion – Cluster 1
1st– Cluster 4
2nd– Cluster 3
3rd– Cluster 2
