Nagkatigom ang gatosan ka mabdos gikan sa onse ka lokalidad alang sa DavNor Buntis Congress 2024 nga gipahigayon sa DavNor Gym sa Mankilam, Tagum City, niadtong Oktubre 25. Tumong niini nga mahatagan og tukmang edukasyon ug medical services ang mga nagsabak aron masiguro ang ilang kahimsug ug sa ilang gisabak.

Gisiguro sa Provincial Health Office (PHO) nga sila mahatagan sa saktong suporta sama sa libreng check-up, bitamina, ug uban pang health services, lakip na ang health assessment ug screenings.

Sila Dr. Francine Adrienne De Castro ug Dr. Emelie Kaugdang sa Department of Health nagpasabot sa kamahinungdanon sa pag-amoma ug pag-amping samtang anaa sa journey sa pagmabdos. Ilabi na ang safe motherhood, nga naglangkob sa gikinahanglang bakuna, ug regular nga prenatal check-up aron luwas ang ilang baby.

Gi-highlight sa aktibidad ang awarding sa booth competition, cash raffle draw, ug ang pagtunol sa health kits alang sa ilang pagpanganak.

Samtang, naghalad sab og mga pag-ampo ug nagdagkot og kandila agi'g paghandum sa mga gipangmadbos nga wala nangatao, subay sa Proclamation No. 700 o ang"Pregnancy and Infant Loss Remembrance Day.”

Writer: Lorna Tripoli