Gipangunahan ni Governor Edwin “Kuya Gov” Jubahib ug Commission on Elections (Comelec-XI) Regional Director Atty. Michael Abas ang inagurasyon sa bag-ong Office of the Provincial Election Supervisor (OPES) sa Davao del Norte karong buntaga.

Ang nindut ug presentable nga duha ka andanang OPES building nagkantidad og₱8 milyones ug dunay guest room ug prayer room alang sa mga kaigsoonang Muslim.

“This building is a dream before but now a reality… Ang karaang Comelec building makita nato nga dilapidated na gyud… mao nga gipapaspasan gyud nato (pagtiwas sa proyekto),” sulti ni Kuya Gov.

Gani, mihanyag pa ang gobernador nga mogahin na sab siya og dugang pondo aron pag-renovate sa karaang building aron himoong Comelec training center, lakip na ang pagpatukod sa mga bag-ong opisina sa mga city ug municipal election officers sa probinsya.

Mapasalamaton si Dir. Abas kang Kuya Gov sa pagtabang pagtukod sa maong building, diin iyang gitawag nga usa ka simbolo sa integridad, pagkamatinud-anon, ug hingpit nga dedikasyon alang sa katawhan sa Davao del Norte.

“From the bottom of our hearts, on behalf of the Commission on Elections, thank you so much. You have given Comelec not just a building but a space where we could extend excellence and commitment to public service,” ingon sa opisyal.

Dugang sab nga nagpasalamat si Assistant Regional Director Atty. Gay Enumerables sa paghuman sa building nga dugay nang damgo sa mga staff aron mailisan ang karaan ug dauton nga Comelec building sa probinsya.

“This is really a dream come true for us ug salamat kay Kuya Gov Edwin Jubahib sa iyang tabang aron matuman kini nga proyekto,” sulti niya.

Si Enumerables ang mihangyo kang Kuya Gov aron tukoron ang maong building sa panahon nga siya pa ang Comelec Supervisor sa probinsya.

Writer: Noel Baguio