Giila ni Vice Governor Clarice Jubahib ang mga kalampusan, pagpaningkamot, ug dedikasyon sa mga kanhi kawani nga nakapalig-on sa probinsya sa Davao del Norte.
Sa iyang mensahe nga gibasa ni Chary Jubahib, gitawag ni VG Clarice ang mga retiradong empleyado dili lamang katawhang nangapahulay sa serbisyo apan mga haligi nga nagtukod sa pundasyon sa maayong pagdumala sa probinsya.
“Look of what you have accomplished, our province today stands strong because of your collective dedication… Ang inyong mga kasinatian, ang inyong mga insights, this will remain valuable resources for our province,” sulti ni Chary Jubahib, representante ni VG Clarice, atol saSalamat-Mabuhay Program nga gipahitabo sa Molave Hotel, Osmeña Street, Tagum City, niadtong Hulyo 30, 2025.
Samtang, gipangunahan usab ang seremonya nila Provincial Administrator Atty. Ralph dela Cruz, kauban si Provincial Human Resources and Management Officer Edwin Palero ug uban pang mga department heads.
Giduyogan ang mga retirees sa ilang pamilya, kauban sa trabaho, ug mga higala. Gitunolan sab sila og bulak isip pasalamat. Ang mga retirees gilingaw usab sa mga awit gikan sa pasundayag sa One DavNor Band.
Ang Salamat-Mabuhay Program usa ka inisyatiba sa probinsya aron pasidunggan ang mga empleyado nga nihatag og daghang tuig sa matinud-anong serbisyo sa katawhan sa Davao del Norte.
Writer: Lorna Tripoli
