Nagkadaiyang hinabang ang gibubo sa ika-76 Araw ng Kapalong niadtong Agosto 1, 2024 ubos sa tema nga "Lungsod nga Bulahan sa Kultura ug Abilidad Nailhan". Usa sa mga benepisyaryo mao si alyas Kumander Makatindog, nga kanhi rebelde nga misurender kang Governor Edwin "Kuya Gov" Jubahib, nakadawat og panginabuhian gikan sa LGU Kapalong. Ang mga solo parents nga validated sa Municipal Social Welfare and Development Office (MSWDO) gihatagan og tag- ₱3,000.
Ang mga blood donor’s awardee nakadawat og cash ug certificates, samtang school supplies, tambal, ug emergency shelter assistance kantidad ₱5,000 alang sa mga totally damaged, ug ₱3,000 sa partially damaged sa nilabay'ng baha. Aduna usab massage kit alang sa persons with disability, eye glasses alang sa mga senior citizens, ug daghan pang uban.
Gipasabot ni Mayor Maria Theresa Timbol nga gipalig-on sa ilang administrasyon ang seguridad sa peace and order, edukasyon, health and social services, panginabuhian, ug agrikultura pinaagi sa pakiglambigit sa komunidad. Nagpasalamat usab siya sa suporta sa probinsyal nga panggamhanan ubos kang Governor Jubahib, ug sa mga kapulisan, kasundalohan, NGOs, private stakeholders, public line agencies, akademya, ug mga IPs.
"Atong ginahimo karon, atong gina-mold karon ang atong gustong ibilin sa sunod nga henerasyon. It’s always the culture of peace and security," ingon ni Mayor Timbol.
Samtang giila ni Kuya Gov ang paningkamot sa taga-Kapalong nga mapalambo ang nasangpit nga dapit. Nidalikyat siya sa pagtambong sa selebrasyon gikan sa kaulohang Maynila human sa committee hearing sa Kongreso.
"Sa ilang pagdumala diri sa Kapalong nakita nato unsa ka progreso ang munisipyo sa Kapalong and with the support sa Sangguniang Bayan," sigon ni Governor Jubahib.
Ang Kasadya gilangkoban sa Martsa Bulahan sa Kasadya Grand Parade, pag-unveil sa International Women's Peace Group (IWPG) Monument sa Kapalong Green Paradise, Recycled Festival Attire, ug uban pang presentasyon. Gitambongan kini nila Governor Edwin "Kuya Gov" Jubahib, Board Member Nicandro Suaybaguio, Jr., BM Prospero Estabillo, Jr., Kanhi BM Roger "Rod" Laguna, PNP, AFP, SK Federation President Helen Mae Discaya, ug uban pang dinapit.
Writer: Lorna Tripoli
