Sa tinguha nga mapalig-on ang kalidad sa specialized education nga ginatanyag sa Davao del Norte Learning Institute (DNLI) sa probinsya, gipahigayon ang pinakaunang DNLI Provincial Advisory Board (PAB) Meeting sa kasamtangang tuig, sa panguna ni Provincial Information Officer ug DNLI Executive Director Dr. Mervin Jay Suaybaguio.

Gipresentar sa maong panagtapok ang mga updates kabahin sa Bachelor of Science in Entrepreneurship, Bachelor in Public Administration, ug Bachelor of Science in Disaster Resiliency and Management. Gihisgotan usab ang posibilidad nga magtanyag og bag-ong mga programa nga Bachelor of Arts in Communication ug Master in Public Affairs, nga gisuportahan ni CHED RO XI Regional Director Dr. Maricar Casquejo.

Gihan-ay usab sa meeting ang umalabot nga 5th DNLI Commencement Exercises nga gitakda sa Agosto 28, 2024, diin mopaso ang 35 ka graduates: 15 gikan sa Bachelor in Public Administration, 19 sa BS Entrepreneurship, ug usa sa BS Disaster Resiliency and Management.

Daghang aktibidad ang naghulat sa mga estudyante karong umalabot nga academic year, aron mapauswag ang ilang kahanas ug kaalam, lakip na ang research workshops ug international research conference.

Ang DNLI, sa pakigtambayayong sa Davao del Norte State College, usa ka akademikong institution nga nagtabang sa mga empleyado sa gobyerno ug functionaries nga nagpuyo sa probinsya aron makatiwas sa pag-eskwela.

Writer: Hannah Zafra