18 ka retirees sa PLGU-Davao del Norte gipasidunggan atol sa gipahigayon nga Salamat-Mabuhay Program: "A Tribute to the Retirees", sa Molave Hotel, Tagum City, Disyembre 2, 2024, sa pagdumala ni Governor Edwin "Kuya Gov" I. Jubahib. Sa mga retirees, duha niini gi-representahan sa miyembro sa ilang pamilya human nipanaw.
Ang mga niretiro gitunolan og plaque ug service ring sa probinsyal nga panggamhanan sa pagpanguna sa Provincial Human Resource and Management Office (PHRMO), ug mga bulak gikan sa mga kaubanan nga mga empleyado, suod nga higala, ug pamilya. Sagad sa mga retiradong empleyado niserbisyo sa probinsya sobra usa hangtod tulo ka mga dekadang katuigan.
Ang mga niretiro sa 2nd semester sa tuig 2024 mao ang mga mosunod;
Engr. Josie Jean Rabanoz, 35 years in service, former Provincial Administrator
Engr. Jivellyn Co, 39 years in service, Provincial General Services Officer
Mila Laureno, 37 years in service, PG-Asst. Department Head
Maria Linda Actub, 35 years in service, PBO
Jeffrey Calamongay, 18 years in service, PSWDO
Jose Arce, 31 years in service, PACCO
Emilyn Subion, 35 years in service, PACCO
Maria Lourdes Lauron, 37 years in service, PPDO
Maria Teresa Pacatang, 24 years in service
Herbert Fernandez, 33 years in service, PEO
Nestor Magallanes, 36 years in service, PEO
Adrian Tampus, 40 years in service, PEO
Ruben Acierto, 35 years in service, PGSO
Jose Panganoron, 37 years in service, PADO
Liberto Layno, 15 years in service, PAGRO
Raul Carcillar, 32 years in service, PAGRO
Posthumous Honorees:
Anghing Elisa Sanoy, 32 years in service, PADO
Anghing Marcelino Hinlo, 32 years in service, PADO
Sagol kalipay ug kasubo ang gibati sa ilang pagtalikod sa mga naandan nga trabaho sa opisina, ug kahigwaos sa bag-ong hagit na usab sa ilang panaw sa kinabuhi. Si Engr. Josie Jean Rabanoz, ang kanhi provincial administrator sa probinsya, isip usa usab sa mga niretiro, nitunol og mensaheng pasalamat sa mga kaubanang empleyado sa kapitolyo.
"To my fellow department heads, you haven't been my colleagues, but true friends for life. Thank you for the camaraderie, support, and countless wonderful moments we have shared together – moments that have enriched my journey and made my time in service truly unforgettable," ingon ni Engr. Rabanoz.
Samtang, dako ang pagsalig ni Rabanoz kang Atty. Ralph Dela Cruz nga maoy nihulip kaniya isip Provincial Administrator ubos sa administrasyon ni Gov. Jubahib.
"I am confident that under your leadership, the Provincial Government will continue to thrive and serve the people with excellence," dugang ni Engr. Rabanoz.
Ang nasampit nga okasyon gitapos sa mga nindut nga paglingaw pinaagi sa mga awit gikan sa DavNor Band sa probinsya. Ang tribute sa mga retirees sa PLGU DavNor kaduha kada tuig ginahimo aron sa pagpasalamat sa mga empleyado nga nahimong katambayayong sa gobyerno sa pagtunol sa serbisyo sibil.
Writer: Lorna Tripoli
