Nigradwar ang kapin sa 60 ka mga residente sa Luntiang Paraiso Regional Rehabilitation Center sa New Corella, Davao del Norte, niadtong Agosto 30, 2024, gikan sa nagkalain-laing kurso nga gitanyag sa Technical Education and Skills Development Authority (TESDA). Lakip sa mga natapos nga kurso mao angOrganic Agriculture Production NC IIugShielded Metal Arc Welding NC I ug NC II.

Gipangulohan ang seremonya ni Dr. Alfredo Lacerona, ang Department Head sa Provincial Health Office sa Davao del Norte, diin iyang gipasabot ang dakong importansya sa mga bag-ong skills nga nakuha sa mga residente alang sa ilang kaugmaon.

Gidayeg usab ni Gobernador Edwin "Kuya Gov" Jubahib, pinaagi sa usa ka mensahe nga gibasa ni Executive Assistant Jemuel Melmida, ang paningkamot sa mga graduates sa paghuman sa ilang kurso, bisan pa sa ilang mga personal nga mga pagsulay. Nangayo sab kini sa makanunayong suporta nga maoy makahatag kaniya’g kusog ug kadasig sa pagpaningkamot aron paghatud sa gikinahanglang serbisyo.

Ang Organic Agriculture Production ug ang Shielded Metal Arc Welding nga kurso naghatag og oportunidad alang sa mga residente nga makapangita og trabaho o magsugod og kaugalingong negosyo, ilabi na pag-abot sa panahon nga sila mobalik ug magpuyo nga normal sa ilang komunidad.

Writer: Nestor Mata, Jr.