Gipasidunggan ni Governor Edwin I. Jubahib ang 155 ka mga empleyado, lakip na ang mga department heads, pinaagi sa Gantimpala Agad Award atol sa seremonya nga gipahigayon sa Pavilion, DNSTC, Mankilam, Tagum City, Disyembre 27, 2024.

Ang mga awardee gilangkoban sa mga miyembro sa Technical Working Group sa Seal of Good Local Governance (SGLG), mga sakop sa Provincial Project Management and Implementation Unit sa Philippine Rural Development Project (PPMIU-PRDP), ug mga nagtrabaho alang sa Provincial Development and Physical Framework Plan. Lakip sila si Provincial Environment and Natural Resources Officer Engr. Nelson Plata, Provincial Assessor Engr. Lily Salazar, ug OIC Assistant Provincial Agriculturist Alphabet Gulanes, Provincial Planning and Development Coordinator Engr. Hazel Zafra, ug uban pa. Pipila ka mga trabahante sa kapitolyo nahimong garbo usab human makapasar sa Licensure Examination for Teachers (LET) ug Civil Service Examination. Sila nidawat og tokens ug sertipikong gilagdaan sa gobernador.

"Sa tanang TWG members nga among gisamok-samok, because dili gyud ta pwede nga dili modaug. We are a very competitive province. Competitive ang tanang empleyado, right? Kanang magpatawag mi og planning session dili gyud magpabilin ang tanan. So, mao gyud na ang spirit diri sa provincial government bisan kaniadto pa,” ingon ni Zafra.

Kahibaloan nga ang probinsya giila sa NDRRMC isip Beyond Compliant LGU sa 24th Gawad KALASAG Seal Assessment for Local DRRM Council and Offices alang sa ikaupat nga higayon, 4th time Seal of Good Local Governance Awardee, ug uban pang mga pasidungog nga nasungkit sa probinsya.

Tungod niini giila sa gobernador ang mahinungdanong kontribusyon sa mga awardee sa pagpalambo sa probinsya pinaagi sa maayong serbisyo ug koordinasyon sa lain-laing proyekto ug programa. Ang aktibidad gidumala sa Provincial Human Resource Management Office (PHRMO).

Writer: Lorna Tripoli