Gitunol mismo ni Kuya Gov Edwin Jubahib ang ₱50,000 nga Centenarian Award Cash Assistance ngadto sa duha ka centenarians sa Munisipyo sa New Corella. Mao kini sila si Nanay Ceriaca Tambis, 104 years old, taga-Barangay Carcor ug Nanay Policarpa Amamangpang, 101 years old, nga taga-Barangay Poblacion.

Atol sa pagbisita ni Kuya Gov, gibutyag sa mga centenarian ang ilang sekreto alang sa taas nga kinabuhi, nga mao ang pagtulog og sakto, healthy diet, exercise, ug less stress.

Ang pagpanghatag sa maong cash incentive pinasikad sa Republic Act 10868 o Centenarian Act of 2016 ug Provincial Order 2023-001. Laraw sa balaudnon nga mahatagan og importansya ug respeto ang mga senior citizen sa nasud Pilipinas hilabina sa probinsya sa Davao del Norte.

Anaa usab sa maong katikaran si Board Member Flopone Royle “Popop” Catalan, mga PG-Department heads ug mga empleyado sa kapitolyo. #

Writer: Hannah Zafra