Naghiusa ang mga kandidato sa Davao del Norte sa usa kaUnity Walkniadtong Mayo 19, 2025, aron ipakita ang ilang panumpa sa hapsay, malinawon, ug malampusong piniliay karong Mayo 12.

Ang maong kalihokan gipangulohan sa Commission on Elections (Comelec) ug gisuportahan sa Davao del Norte Provincial Police Office (DNPPO), Armed Forces of the Philippines (AFP), Department of the Interior and Local Government (DILG), non-government organizations (NGOs), ug ubang grupo nga nagpakabana sa tinuod nga demokrasya.

Gawas saUnity Walk, gipahigayon usab angpeace covenant signingdiin gipamatud-an sa mga kandidato ang ilang hugot nga tinguha nga ipatuman ang limpyo ug gawasnong eleksyon. Usa ka briefing ang gihimo sa Comelec aron ipahibalo sa mga kandidato ang lagda ug proseso sa eleksyon.

Sa pakighinabi sa PTV DavNor 48 News Team, gipasabot ni Atty. Norliza Mamukid, Provincial Election Supervisor IV sa Comelec, nga kinahanglan irehistro sa mga kandidato ang ilang social media accounts nga gamiton sa pagpangampanya. Gipasidaan niya nga mahimong election offense kung mogamit sila og wala marehistrong social media account sa ilang kampanya.

Dugang usab ni Atty. Mamukid nga sugod Mayo 2 hangtod Mayo 12, gidili ang pagpang-apod-apod og pinansyal nga ayuda sama sa 4Ps, AICS, AKAP, ug TUPAD. Apan tugotan lamang angmedical ug burial assistanceatol sa maong period.

Sa iyang pakigpulong, giawhag ni DILG Provincial Director Jonathan Leybag ang mga kandidato nga magpokus sa ilang plataporma de gobyerno imbis sa personal nga panagbangi sa politika.

Usa ka interfaith prayer ang gibuhat usab sa maong kalihokan diin nagkatigom ang mga lider sa nagkalain-laing relihiyon aron pag-ampo sa kalampusan ug kalinaw sa piniliay. Gipadayon kini sa simbolikong pagpalupad og mga puting kalapati, nga nagpakita sa kalimpyo ug kagawasan sa mga botante sa pagpili og lider nga ilang saligan.

Writer: Lorna Tripoli