Sa tumong nga maampingan ang kahimsog sa ngipon sa mga taga-Davao del Norte, giduso sa Provincial Health Office - Dental Health Division ang pagpatuman sa balaudnon aron sa pagdili sa tanang ilegal practice sa dentistry. Kini sa pagpanguna ni PHO Dentist IV Ma. Cristina Jimena, katambayayong ang North Davao Dental Chapter uban sa suporta ni SP Committee on Health Chairperson, BM Denise Marianne Lu, MD.

Nakabase ang maong Provincial Ordinance sa RA 9484 o Philippine Dental Act of 2007, nga naglatid sa hingpit nga mga lakang batok sa dili awtorisado nga mga balansayon mahitungod sa dentistry. Ubos sa mga probisyon niini, lain-laing mga ilegal nga buhat ang klaro nga giila nga silotan sa balaud.

Sumala sa ordinansa, lakip sa mga supak sa balaod nga mga buhat ang:

1. Pagsakat sa dentistry bisan wala ang mga rekisito nga certificate of registration ug Professional Identification Card sumala sa gimando sa RA 9484;
2. Pagbansay og dentistry gawas sa katuyoan sa gitakdang sakop sa propesyon;
3. Pagtugot sa mga ilegal nga mga practitioner sa pag-opera ubos sa pagdumala sa mga lisensyadong dentista;
4. Malimbungon nga paggamit sa kredensyal sa laing tawo;
5. Paghatag og bakak nga impormasyon aron makakuha og rehistrasyon;
6. Pag-impersonate sa mga rehistradong dentista;
7. Paggamit sa gibawi o suspendidong nga mga lisensiya o kredensyal;
8. Bakak nga pag-angkon sa mga akademikong titulo o degree sa dentistry;
9. Paghimo og makalipat nga anunsyo mahitungod sa mga propesyonal nga kwalipikasyon sa dentistry nga walay hustong rehistro;
10. Bisan unsa nga mga buhat nga ilegal o paglapas sa dental regulations.

Ubos sa pagpangulo sa PHO - Dental Division, gipatuman ang mga hingpit nga mekanismo aron epektibong masanta ang maong mga illegal practices. Pinaagi sa pagpahigayon og public awareness campaigns ug pakigtambayayong sa mga law enforcement agencies, aduna nay mahinungdanon nga mga lakang ang nahimo aron mapalig-on ang integridad sa dental profession ug masiguro ang kaluwasan sa mga pasyente.

Padayon ang pagpaningkamot sa maong buhatan sa pagbarog batok sa mga ilegal nga serbisyo sa ngipon. Pinaagi sa ilang determinasyon sa pagduso sa mga probisyon sa Provincial Ordinance, subling napamatud-an sa dibisyon ang ilang pasalig sa pagpalambo sa oral health ug pagpanalipod sa kaayohan sa komunidad.