Gipahigayon sa Information Officers Network Davao del Norte ang ilang unang regular meeting ug learning and development session alang sa tuig 2025 sa PAGRO Training Hall sa Provincial Government Center kagahapong adlawa, Pebrero 13.
Gipangunahan ni Panabo City Information Officer ug ION President Michael Angelo Resueño ang diskusyon kabahin sa mga plano karong tuiga, membership obligations, monthly hostings, ug agency updates. Sumala ni Resueño, makatabang ug dunay benepisyo ang paghatag og mga bag-ong kasayoran ug kaalam sa mga information officers ang paghisgot alang sa mga umaabot nga training ug mga aktibidad.
Sumala pa ni Resueño, makatabang ug dunay benepisyo ang paghatag og mga bag-ong kasayoran ug kaalam sa mga information officers ang paghisgot alang sa mga umaabot nga training ug mga aktibidad.
“Ang among tumong ug tinguha isip mga information officers sa Davao del Norte, nga magkahiusa mi, magkahibal-anay kung unsa ang mga updates sa among tagsa-tagsa nga ahensiya… So, importante nga kami, mga naa sa lokal, kabalo mi unsa among matabang sa ilaha nga masuportahan namo ang ilahang mga programa, ug even ang national pud nga mga government agencies makabalo kung kinsa ilang maduolan sa local government units,” ingon niya.
Samtang pagkahapon, gisugdan ang learning and development session nga gipangunahan ni Atty. John Cyril Pagatpat kinsa mihatag sa lektura kalabot sa “Media Laws” nga magamit sa matag usa aron mapalambo ang komunikasyon ug serbisyo sa publiko pinaagi sa saktong paggamit sa impormasyon.
Writer: Kezia Joyce Flores
