Gipahigayon ang duha ka adlaw nga Government Writing and Information Design (GRID) Training alang sa 50 ka mga empleyado sa Kapitolyo sa Davao del Norte aron mapalambo ang ilang kahanas sa pagsulat ug paghimo sa mga dokumento sa gobyerno. Ang kalihokan nga gipasiugdahan sa probinsyal nga panggamhanan katambayayong ang Civil Service Commission (CSC) Rehiyon XI, gihimo niadtong Septyembre 18-19, 2024 sa Bulwagan ng Karungunan, Government Center, Mankilam, Tagum City.
Tumong sa GRID training nga mapauswag ang komunikasyon ug impormasyon sa mga empleyado pinaagi sa saktong paghulma sa mga dokumento sama sa augmentation requests, resolutions, memos, ug uban pang mga papeles sa gobyerno. Sumala ni Cherrie Amor Tag-at, Special Investigator III sa CSC XI, ang kalihokan adunay tumong nga makab-ot ang uniformity ug epektibong paggamit sa mga dokumento sa tanan nga sangay sa gobyerno.
“This is a new public offering namin sa Civil Service, "The GRID", the Government Writing. This is intended to give knowledge to our government employees on how to improve the writing. Meron din tayong proformal like letters, correspondents. Kailangan natin ‘yan kasi meron tayong uniformity in all government documents,” matud ni Tag-at.
Ang usa ka partisipante, si Adrian Alvin Almonte sa Provincial Treasurer’s Office, nag-emphasize nga importante nga simple ug klaro ang mga dokumento. Sulti niya,"Dapat simplehan lang, dili na kaayo complex because ang importante is mapaabot sa tao, mapaabot sa hingtungdan kung unsa tong complete sa maong dokumento."
Gawas sa paghimo sa mga dokumento, gitudlo usab ang saktong pagproseso sa pagsang-at og reklamo batok sa mga empleyado sa gobyerno. Ang CSC XI nagpasalig nga motabang ug moggiya sa mga empleyado nga adunay mga reklamo aron hapsay ang proseso.
"Meron silang exact direction, halimbawa lang especially para sa administrative proceedings naipa-file nila or halimbawa sila 'yong na-file-an ano 'yong gagawin nila, so paglabas nila sa legal services alam nila kung ano na 'yong gagawin nila. ‘Tsaka direction na tatahakin nila on the administrative proceedings," dugang pa ni Tag-at.
Gihangyo usab ni Tag-at nga pabilhan ang maayong relasyon sa matag empleyado aron malikayan ang mga reklamo ug mga administrative proceedings.“Happy Civil Service Month sa lahat ng mga kawani ng gobyerno and I hope pinagdadasal din namin ‘yan na sana maging peaceful yong working environment natin para hindi na tayo dadaan pa sa administrative proceedings… So, let us enjoy our work and be a good government servant,”iyang pahimangno.
Ang kalihokan kabahin sa nagpadayong mga programa sa learning and development intervention nga buot ipahamtang ni Governor Edwin I. Jubahib sa kapitolyo aron palig-onon ang serbisyo publiko.
Writer: Lorna Tripoli
