Sa ika-46 nga Commencement Exercise sa Davao del Norte State College (DNSC), si Senator Imee Marcos mismo nitambong ug nihatag og padasig nga mensahe alang sa mga bag-ong gradweyts aron sa pag-atubang sa bag-ong hugna sa ilang kinabuhi.
Butyag sa senadora nga ang DNSC dunay dakong luna sa pamilya Marcos, labi na sa iyang amahan nga si Ferdinand Marcos, Sr. sa panahon nga sige pa kini’g bisita sa probinsya.
“Medyo sentimental tayo ‘pag pumupunta sa DNSC at yung tatay ko ang nag-umpisa nito. Ito nga lang ang kaisa-isang fisheries school nung panahon na yon… But my father has a sentimental and soft spot for Davao, having spent much of his youth every summer here. Kay yung papa, yung tatay niya, nagging governor general ng luma, ng orig, na buo nga Davao ug Cotabato. Kaya balik-balik kami sa Balay Nera, sa Sta. Cruz, sa Davao del Sur. Bahay niya yon noon. Kaya pag sinabi GenSan yata ang dapat na fisheries, nagtinginan na lang sila, sa Davao na lang. Kaya nandito na tayo,” matud ni Sen. Imee.
Gisaysay ni Senador Imee ang mga kalampusan nga nadangatan sa DNSC sukad niadtong 1970.
“You’ve come a long way, from the 1970s, when it is a mere vocational fisheries school. Indeed, when the first formal classes were held under DanSof, the old school,” sumala niya.
Sa una, ang DNSC usa lamang ka gamay nga vocational school apan karon, kini usa na ka institusyon, gani giila kini isip ika-unom sa pinakamaayong eskwelahan sa nasud, sakmit ang 92% passing rate sa Licensure Exam for Teachers sa sekondarya.
Gibayaw usab sa senador ang mga estudyante nga topnotchers, lakip na si Carlito Paulo, Jr. nga top 10 kaniadtong Marso 2024 exams.
Sa pag-uswag sa institusyon, mipalapad na kini sa daghang mga satellite campuses sama sa Talaingod, Carmen, Sto. Tomas, ug ang Island Garden City of Samal. Ang DNSC hangtud sa kasamtangan, duna nay kapin sa 10,000 ka estudyante napagradwar.
Tulo sa mga kurso gidalit sa DNSC ang gitutokan sa senadora nga adunay dakong epekto sa nasud; ang edukasyon, turismo, ug agrikultura. Alang sa mga ni-graduate gikan sa teacher education, gitambagan niya sila nga pangandaman ang hagit nga ilang atubangon ug pangitaa’g solusyon ang mga problema sa edukasyon.
“To our graduates, I understand many of you will be coming from teacher education. You will be challenged indeed by the many crises that we face. At kayo ang tuturuin at mabibintang sa mga kasalanan at pagkukulang ng pamahalaan na nakalipas. Napakahirap ng edukasyon, napakaraming problema. Kayo ang dapat maghanap ng solusyon para sa ating lahat at kayo ang aming pangarap,” sulti sa senadora.
Para sa mga estudyante sa turismo, gipasaligan niya sila nga ang industriya sa turismo maghatag daghang oportunidad alang kanila, ilabi na human sa pandemya, ug nga adunay dako nga paglaum sa pag-uswag niini sa umalabot.
Samtang sa natad sa agrikultura, gipabug-atan ni Senador Imee ang kaimportante sa sektor sa pagkaon, ug gidasig ang mga graduates nga maglambigit labi na sa mga programa nga iyang giduso sa Senado sama sa Young Farmers Challenge, ug ang pamaagi sasoilless agricultural production.
“Kinahanglan gyud unahon ang pagkaon. Nibaba og 7.3% ang atong pangisda sa dagat niadtong 2023. Lumiit pa hindi lumalaki kaya net fish importer ang Pilipinas. Makauulaw, sabi nga nila, kasi nakapaligid ang dagat sa atin, libu-libong isla ang Pilipinas, pero wala tayong sapat na isda. Kayo na ang solusyon para sa inland municipal fisheries, aquaculture, at yung BFAR program, ‘Balik-sigla sa Ilog at Lawa’. Kayo na ang maasahan namin para sa lahat ng klase na soilless agricultural production na binibida ko sa senado at sa iba’t ibang mga bills. Sana sumali rin kayo sa aking contest, the ‘Young Farmers challenge’, na kulang na kulang sa mga fisheries project. It’s an outright grant, dili utang. Kaya sana sumali kayo para agad-agad may negosyo, may trabaho,” ingon ni Senator Imee.
Ang DNSC President nga si Dr. Joy M. Sorrosa, kauban sa senadora ug ubang faculty members and stakeholders, maoy nangunay sa paghatag sa 898 ka mga graduate gikan sa lain-laing mga kurso sa ilang mga diploma, nga nagtimaan sa usa ka dako nga kalampusan sa ilang byahe sa edukasyon.
Kini nga seremonya nagpakita sa dakong pag-uswag ug importansya sa Davao del Norte State College sa pagsuporta ug pagpalambo sa mga kabatan-onan ug sa nasud. #
Writer: Jun Rey Villanueva
