Pormal nang gipasakaaan og kasong Perjury ni Governor Edwin “Kuya Gov” Jubahib ang 15 ka indibiduwal gikan sa hut-ong sa Northern Davao Electric Cooperative (NORDECO) sa hawanan ni Tagum City Prosecutor Noel P. Palma, niadtong Hulyo 15, 2024.

“Nag-file ta og case against sa mga complainat sa NORDECO, NORDECO case nga maoy hinungdan sa akong additional suspension for one month. Nag-file ta og perjury case tungod kay namakak man sila sa ilahang verification sa Ombudsman ug sa Office of the President nga nagsulti sila nga wala silay gi-file nga laing case, tungod ana nahog man sila nga anaay violation so gi-file nato ang perjury case,” matud ni Gobernador Jubahib.

Ang 15 ka mga indibiduwal nga gipasakaan og kasong perjury mao sila:

1.    Diahn Czri L. Semic
2.    Rev. Socrates G. Idul
3.    Floro G. Delgado, Jr.
4.    Dionisio C. Gultia
5.    Nathaniel H. Olacao, Jr.
6.    Restituto A. Baliguat
7.    Jaime M. Diamante
8.    Leonardo B. Largo
9.    Erick P. Pascual
10.  Aljon D. Marquez
11.  Alvin D. Marquez
12.  Asuncion J. Enigo
13.  Maria Leny T. Rivas
14.  Primitiva Francisco
15.  Felipe M. Cangas, Jr.

Kahinumduman nga ang mga nahisgutan, mao sab ang nipasaka’g kaso batok kang Kuya Gov, hinungdan sa iyang ikaduhang pagkasuspenso og 30 diyas nga gipagawas sa Office of the President.

Giubanan si Kuya Gov sa iyang Private Legal Counsel Atty. Israelito Torreon sa pag-file sa maong kaso. Sumala ni Atty. Torreon nga namakak ang mga complainant sa ilang verification certificate nga wala sila ni-file og susamang kaso sa lahing buhatan.

“That they lied in their verification certification that they did not file a similar cause of action before another office. It is a forum shopping and the fact that they lied it in their verification is a crime,” sumala ni Atty. Torreon.

Kahibaloan nga ang maong kaso nagsugod sa adbokasiya ni Gobernador Jubahib nga ilisdan ang NORDECO isip distributor sa sugang dagitabnon dinhi sa probinsya.

Writer: Nestor Mata, Jr.