News

Pinakaunang Diplomatic League Conference Mindanao 2023 gitigayon

Details

Published: Friday, 24 November 2023 09:16

Written by DavNor PICKMO (Lorna P. Tripoli)

Views: 432

Bagang hut-ong sa mga kabatan-onan nagkatigom alang sa pinakaunang Diplomatic League Conference Mindanao 2023. Kini gipartisiparan sa mga tulonghaan, organisasyon, young professionals ug uban pang mga lider sa youth sector. Gitigayon kini sa Tagum Historical and Cultural Center, niadtong Nobyembre 19, 2023.

Napuno sa inspirasyon ug padasig ang mga kabatan-onan nga adunay mga potensyal nga mamahimong young diplomats o kaha Foreign Service Officers. Si Undersecretary for Civilians Security and Consular Affairs, sa Department of Foreign Affairs ug Diplomatic League Founder Jesus Domingo mismo ang nitambong sa maong komperensya isip maoy nag-unang mamumulong. Gisundan kini sa ubang mga speakers sama nila DFA Assistant Director sa buhatan sa Public and Cultural Diplomacy Ysobel Pareja, ang Special Assistant ni Usec Domingo nga si Ericka Henri Laudencia, ang Blue Vote Founder nga si Ramon Beleno III nga naggikan sa Ateneo De Davao University, ug uban pang madasigong mga mamumulong.

Ilang gibatbat ang kontribusyon sa mga kabatan-onan sa pagpatunhay sa kalinaw sa Mindanao ug ang pagbansay kanila alang sa Disaster Risk Reduction and Management. Kalakip niini ang paghangop sa oportunidad nga mamahimong kabahin sa DFA ug ang aktibong pagpakabana sa paglambo sa matag lokalidad. Gipadayag ni Usec. Domingo nga usa ka pribilehiyo nga makauban ang Presidente sa Coexister Philippines nga si Juanquine Carlo "Wacky Racho” Castro.

"𝘞𝘦 𝘢𝘳𝘦 𝘱𝘳𝘪𝘷𝘪𝘭𝘦𝘨𝘦 𝘵𝘰 𝘸𝘰𝘳𝘬 𝘸𝘪𝘵𝘩 𝘊𝘰𝘦𝘹𝘪𝘴𝘵𝘦𝘳 𝘢𝘴 𝘪𝘵 𝘪𝘴 𝘢 𝘮𝘰𝘷𝘦𝘮𝘦𝘯𝘵 𝘥𝘦𝘥𝘪𝘤𝘢𝘵𝘦𝘥 𝘵𝘰 𝘪𝘯𝘵𝘦𝘳𝘧𝘢𝘪𝘵𝘩 𝘳𝘦𝘭𝘢𝘵𝘪𝘰𝘯𝘴 𝘢𝘮𝘰𝘯𝘨 𝘧𝘢𝘪𝘵𝘩𝘴 𝘢𝘯𝘥 𝘣𝘦𝘭𝘪𝘦𝘧𝘴," sumala ni Usec. Domingo.

Samtang, gikanayon ni Wacky Castro nga usa ka garbo kanila nga ang taga-DFA mitunga sa ilang imbitasyon.

Atol sa open forum, mas gipalawman pa ang pipila ka mga hisgutanan labi na ang paghangop sa oportunidad nga mamahimong aspirant leaders ug diplomats, bisan kinsang indibidwal nga magpakita’g interes.

Sa pikas bahin, gibutyag ni Castro nga nakamugna na sila og peace library nga karon anaa makaplagan sa lungsod sa Talaingod.

"𝘍𝘰𝘳 𝘶𝘴 𝘵𝘰 𝘳𝘦𝘢𝘭𝘭𝘺 𝘶𝘯𝘪𝘵𝘦 𝘪𝘯 𝘰𝘯𝘦 𝘱𝘶𝘳𝘱𝘰𝘴𝘦 𝘸𝘩𝘪𝘤𝘩 𝘪𝘴 𝘢𝘨𝘢𝘪𝘯 𝘵𝘰 𝘣𝘦 𝘧𝘰𝘤𝘶𝘴𝘦𝘥 𝘰𝘯 𝘥𝘦𝘷𝘦𝘭𝘰𝘱𝘮𝘦𝘯𝘵 𝘴𝘢 𝘢𝘵𝘰𝘯𝘨 𝘺𝘰𝘶𝘵𝘩 𝘴𝘦𝘤𝘵𝘰𝘳 𝘦𝘴𝘱𝘦𝘤𝘪𝘢𝘭𝘭𝘺 𝘥𝘪𝘳𝘪 𝘴𝘢 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦. 𝘐 𝘦𝘯𝘤𝘰𝘶𝘳𝘢𝘨𝘦 𝘺𝘰𝘶 𝘵𝘰 𝘫𝘰𝘪𝘯 𝘺𝘰𝘶𝘵𝘩 𝘰𝘳𝘨𝘢𝘯𝘪𝘻𝘢𝘵𝘪𝘰𝘯, 𝘦𝘴𝘱𝘦𝘤𝘪𝘢𝘭𝘭𝘺 𝘠𝘰𝘶𝘵𝘩 𝘚𝘦𝘳𝘷𝘪𝘤𝘦 𝘗𝘩𝘪𝘭𝘪𝘱𝘱𝘪𝘯𝘦𝘴, 𝘊𝘰𝘦𝘹𝘪𝘴𝘵𝘦𝘳 𝘗𝘩𝘪𝘭𝘪𝘱𝘱𝘪𝘯𝘦𝘴, 𝘋𝘪𝘱𝘭𝘰𝘮𝘢𝘵𝘪𝘤 𝘓𝘦𝘢𝘨𝘶𝘦 𝘢𝘯𝘥 𝘢𝘭𝘴𝘰 𝘰𝘵𝘩𝘦𝘳 𝘰𝘳𝘨𝘢𝘯𝘪𝘻𝘢𝘵𝘪𝘰𝘯𝘴 𝘩𝘦𝘳𝘦 𝘪𝘯 𝘵𝘩𝘦 𝘭𝘰𝘤𝘢𝘭𝘪𝘵𝘺. 𝘈𝘯𝘥 𝘵𝘩𝘢𝘵 𝘢𝘨𝘢𝘪𝘯 𝘐 𝘳𝘦𝘢𝘭𝘭𝘺 𝘸𝘢𝘯𝘵 𝘵𝘰 𝘳𝘦𝘪𝘵𝘦𝘳𝘢𝘵𝘦 𝘮𝘺 𝘮𝘦𝘴𝘴𝘢𝘨𝘦 𝘵𝘰 𝘰𝘶𝘳 𝘺𝘰𝘶𝘵𝘩 𝘵𝘰 𝘢𝘨𝘢𝘪𝘯 𝘤𝘰𝘭𝘭𝘢𝘣𝘰𝘳𝘢𝘵𝘦 𝘢𝘯𝘥 𝘴𝘩𝘢𝘳𝘦 𝘰𝘶𝘳 𝘬𝘯𝘰𝘸𝘭𝘦𝘥𝘨𝘦, 𝘦𝘹𝘱𝘦𝘳𝘪𝘦𝘯𝘤𝘦𝘴, 𝘢𝘯𝘥 𝘶𝘯𝘥𝘦𝘳𝘴𝘵𝘢𝘯𝘥𝘪𝘯𝘨. 𝘋𝘢𝘨𝘩𝘢𝘯𝘨 𝘴𝘢𝘭𝘢𝘮𝘢𝘵," saysay ni Castro.