News

Baryohanon nagdasok sa pagdawat sa relief foods

Details

Published: Monday, 01 April 2024 16:59

Written by DavNor PICKMO (Maria Lorna P. Tripoli)

Views: 171

Gipangunahan sa Provincial Social Welfare and Development Office ug Provincial Disaster Risk Reduction and Management Department ang pagtunol sa mokabat 2,538 nga mga pamilya nga apektado sa kalamidad sa nasangpit nga baryo niadtong Marso 22, ning tuiga. Lakip sa nitabang ang Provincial Governor's Office pinaagi sa paghatag sa mga kupon sa nagdasok nga mga katawhan.

Ang maong pag-apod-apod kabahin sa nagpadayon nga relief operation sa probinsya. Ang ubang mga bugas naggikan sa mga donasyon sa rehiyonal ug nasudnong mga opisyal isip pagtubag sa panawagan ni Governor Edwin "Kuya Gov" Jubahib nga tabangan ang mga nabiktima sa kalamidad sa niaging mga bulan.

Gipasabot ni PSWDO Head Rosalinda Rapista nga nalukop na ang mga dapit nga apektado sa baha sa pagtunol sa relief foods.

"Update sa atong distribution effort nga nahuman na ta hatag sa tanan sa atong shearline nga affected families as reported dunay 78,500 nga atong na-serve as per report submitted to us by the different LDRRMO’s nga gikan sa mga respective puroks nga gipasa na nila sa ilang mga munisipyo and gi-forward sa mga LDRRMO's sa atoa pud nga PDRRMO. So, naa na ta karon nu, dinhi sa Canocotan, mao na pud na siya ang isa sa atong relief efforts tungod sa trough of LPA, kay nagsumpay naman ning shearline ug trough sa LPA. Sa atong update nahuman na pud ta gikan as far as Kapatagan and Gupitan and as far as didto sa District 2. So, ania na ta karon sa Tagum City, ang nabilin na lang nga atong ginahatagan karon ang Barangay Canocotan ug Barangay Cuambogan," sulti ni Rapista.

Sa pikas bahin, sulti ni Rapista nga gihulatan na lang nga mahan-ay ang mga perpektong dokumento uban sa aprobadong resolusyon nga nagtugot sa gobernador nga mapagula ang P30 milyones nga hinabang gikan kang Presidente Ferdinand "Bongbong" Marcos, Jr. aron ipalit og dugang bugas alang ayuda.