News

Evacuation Center sa Brgy. Cuambogan gihatdan og relief foods sa governador

Details

Published: Thursday, 18 January 2024 16:23

Written by DavNor PICKMO (Maria Lorna P. Tripoli)

Views: 150

Gihatdan ni Governor Edwin "Kuya Gov" Jubahib og relief foods, pagkaon panihapon, ug mineral water ang mga evacuees sa Florentino Catalan Elementary School sakop sa Barangay Cuambogan, siyudad sa Tagum, niadtong Enero 16, 2024. Unom ka mga kapurokan nga adunay 166 ka mga pamilyang ang nangbakwit human gilunopan ang ilang mga pinuy-anan. Kuyog sa gobernador sila Bise Mayor Allan L. Rellon, Konsehal Atty. Ana Alvarez ug mga taga-Provincial Social Welfare & Development Office ug City Social Welfare & Development Office.

"𝘕𝘢𝘨𝘬𝘶𝘺𝘰𝘨 𝘮𝘪 𝘴𝘢 𝘵𝘢𝘯𝘢𝘯𝘨 𝘦𝘷𝘢𝘤𝘶𝘢𝘵𝘪𝘰𝘯 𝘤𝘦𝘯𝘵𝘦𝘳 𝘱𝘢𝘳𝘢 𝘮𝘢𝘨𝘩𝘢𝘵𝘰𝘥 𝘰𝘨 𝘱𝘢𝘨𝘬𝘢𝘰𝘯 𝘴𝘢 𝘮𝘢𝘵𝘢𝘨 𝘶𝘴𝘢 𝘬𝘢𝘯𝘪𝘯𝘺𝘰. 𝘗𝘢𝘨𝘬𝘢𝘰𝘯 𝘯𝘪 𝘶𝘨 𝘵𝘶𝘣𝘪𝘨... 𝘚𝘪𝘨𝘦 𝘢𝘵𝘰𝘯𝘨 𝘮𝘢𝘩𝘪𝘮𝘰 𝘬𝘢𝘳𝘰𝘯, 𝘸𝘢𝘭𝘢𝘺 𝘭𝘢𝘪𝘯 𝘩𝘪𝘮𝘰𝘰𝘯 𝘯𝘢𝘵𝘰 𝘬𝘰𝘯𝘥𝘪𝘭𝘪 𝘢𝘯𝘨 𝘱𝘢𝘨𝘩𝘢𝘵𝘢𝘨 𝘰𝘨 𝘱𝘢𝘨𝘬𝘢𝘰𝘯 𝘯𝘪𝘯𝘺𝘰 𝘱𝘢𝘳𝘢 𝘥𝘪𝘭𝘪 𝘮𝘢𝘯𝘨𝘢𝘱𝘢𝘴𝘮𝘰 𝘶𝘨 𝘥𝘪𝘭𝘪 𝘮𝘰 𝘮𝘢𝘯𝘨𝘢𝘴𝘢𝘬𝘪𝘵 𝘥𝘪𝘯𝘩𝘪 𝘴𝘢 𝘦𝘷𝘢𝘤𝘶𝘢𝘵𝘪𝘰𝘯 𝘤𝘦𝘯𝘵𝘦𝘳," sulti sa gobernador.

Ang nasampit nga tulunghaan maoy nagsilbing evacuation center sa mga biktima sa baha. Dako usab ilang pasalamat sa gobernador ug mga kaubanan niini sa suporta ug pagpangumusta sa ilang sitwasyon.

Samtang usa sa mga residente sa Purok Caimito sa naasoy'ng barangay nagsaysay sa ilang gidangatang lunop.

"𝘕𝘢𝘢 𝘮𝘢𝘯 𝘨𝘺𝘶𝘺 𝘭𝘢𝘬𝘦 𝘯𝘨𝘢 𝘱𝘢𝘥𝘶𝘯𝘨 𝘴𝘢 𝘴𝘢𝘶𝘨 𝘳𝘪𝘷𝘦𝘳 𝘢𝘯𝘨 𝘢𝘮𝘰𝘢. 𝘜𝘯𝘺𝘢 𝘊𝘰𝘢𝘮𝘣𝘰𝘨𝘢𝘯, 𝘬𝘢𝘯𝘢𝘯𝘨 𝘯𝘢𝘢 𝘱𝘶𝘥 𝘴𝘢𝘱𝘢 𝘥𝘪𝘳𝘪 𝘴𝘢 𝘢𝘮𝘰𝘢 𝘴𝘢 𝘊𝘶𝘢𝘮𝘣𝘰𝘨𝘢𝘯 𝘯𝘨𝘢 𝘮𝘰𝘴𝘶𝘭𝘰𝘥 𝘨𝘪𝘩𝘢𝘱𝘰𝘯, 𝘱𝘦𝘳𝘯𝘢𝘮𝘦𝘯𝘵𝘦 𝘨𝘺𝘶𝘥 𝘬𝘢𝘮𝘪 𝘶𝘯𝘢𝘯𝘨 𝘣𝘢𝘩𝘢𝘢𝘯, 𝘳𝘦𝘴𝘤𝘶𝘦 𝘨𝘺𝘶𝘥 𝘮𝘪’𝘨 𝘶𝘯𝘢," pagsubay ni Serila Sanchez, residente sa Purok Caimito.