Nakasentro sa pagpangandam ug pakigsayod sa angayang buhaton sa higayon nga moigo ang mga di kapugngang kalamidad ang topiko nga gibatbat sa mga focal persons sa gipahinabong Disaster Prevention & Environmental Awareness Day nga gitambongan sa mga empleyado sa provincial capitol. Nagtambayayong sa pagtudlo ug pagpasabot ang mga personahe gikan sa Provincial Environment & Natural Resources Office (PENRO), Provincial Disaster Risk Reduction Management Office (PDRRMO), Bureau of Fire Protection (BFP), ug Department of Science and Technology Philippine Atmospheric,Geophysical & Astronomical Services Administration (DOST PAG-ASA).

Matud sa DOST PAG-ASA nga niining bulan sa Septyembre, adunay kasarangan nga El Niño sa tropical pacific ug mosamot pa ang ting-init sa nagsingabot nga mga bulan hangtud sa Enero tuig 2024. Samtang ang mga personahe sa Bureau of Fire Protection sa Davao del Norte nagpahimangno sa mga katawhan labi na sa mga trabahante sa kapitolyo nga magmainampingon sa ilang panimalay aron malikayan ang sunog. Sa maong okasyon, ilang gipasundayag ang saktong paagi sa paggamit sa mga fire extinguishers.

Samtang, gilunsad sa unang higayon ang "Basuresiklo Employees Edition" sa kapitolyo. Sumala ni Phoebe Kate Panes, ang tigpamaba sa basuresiklo program sa PENRO, nga tinguha nilang i-edukar ang publiko sa saktong paghipos sa mga basura. Kahibaloan nga ang basuresiklo program gisugdan sa unang termino ni Governor Edwin "Kuya Gov" Jubahib nga giimplementa sa mga tulonghaan ug komunidad diin ang mga basura pagakambyoan og gasa sa gobernador sama sa bugas ug uban pang mga items.

"So kini nga programa na-launch ni sya sugod gyud sa term ni Kuya Gov Edwin Jubahib. Dako kaayo gyud among pasalamat kay grabe ang suporta ni Kuya Gov ani nga program," ingon ni Panes.

Gitambongan kini nila ni Provincial Administrator Engr. Josie Jean R. Rabanoz, representante ni Governor Edwin "Kuya Gov" Jubahib, Ms. Glenda Delideli, ang Local DRRM Officer IV, PHRMO Head Edwin Palero, PSYDO Head Giovanni Gulanes ug uban pa, Septyembre 11, 2023 nga gipahinabo sa DavNor Gym.

Writer/Photos: Maria Lorna Tripoli

 

 

 

DavNor News

https://www.high-endrolex.com/26
https://www.high-endrolex.com/26