Pormal nga giabriahan ang Provincial Youth Congress 2023 sa DavNor Gym, Mankilam, Tagum City, niadtong Septyembre 9, 2023.

Gipangunahan ni Provincial Sports, Youth and Development Officer Giovanni Gulanes kauban ang mga Local Youth Development Officer sa siyam ka mga LGUs ug mga kabatan-onan nga magtigi sa mga sports event nga giandam sa maong kalihokan.

Sa mensahe ni Gulanes, gikanayong ang kabataan ang pag-asa ng bayan sanglit anaa kanila ang pagkamamugnaon ug ang kapaspas sa paglihok. Gumikan niini buot ni Governor Edwin “Kuya Gov” Jubahib nga mahatagan og saktong pagtagad ug pondo alang sa pagpalambo sa ilang kaugalingong abilidad ilabi na sa natad sa isports. Gihanyag sab ni Gulanes ang mga pasilidad sa Probinsya aron magamit sa mga kabataan kung ugaling aduna silay mga kalihokan kabahin sa isports.

“Naa lang koy hangyo kadtong mo-exit na sa pagka-SK. Ayaw kalimti ang mga bag-ong sibol, share your experience and expertise. Ug sa mga bag-ong sibol nato karon, learn from those ahead of you. Allow me to offer our facility as per instruction of Kuya Gov,” ingon ni Gulanes.

Highlight sa maong adlaw ang Laro ng Bayan, diin pagadulaon sa mga kabataan ang mga dula sama sa shatong, chinese garter, jolen, piko, tigso, tumbang preso, tug-of-war, Tagisan ng Talino, Poster-making Contest, ug Video Blogging Contest.

Nakuha sa lungsod sa Kapalong ang kampeonato alang sa dula nga piko, tug-of-war ug shatong. Nasakmit usab sa Panabo City ang kampeonato alang sa Tagisan ng Talino 2023 ug jolen. Samtang, kampeon ang lungsod sa New Corella sa dulang tigso. Ang lungsod sa B.E. Dujali sab ang kampeon alang sa tumbang preso, ug Island Garden City of Samal ang kampeon sa Video Blogging Contest.

Ang Provincial Youth Congress gipahigayon isip kabahin sa tinuig nga selebrasyon sa International Youth Day ug aron sab masulayan sa mga kabataan ang mga dulang kinaraan nga hinay-hinay nang nawala gumikan sa paglambo sa teknolohiya.

Writer/Photo: Nestor Mata, Jr.

 

 

 

DavNor News

https://www.high-endrolex.com/26
https://www.high-endrolex.com/26